ახალქალაქში ზედიზედ მეორე დღეა, აზატუთიუნის ქუჩაზე მდებარე N70 -ე სახლის მცხოვრებლებს სასმელი წყალი არ მიეწოდებათ. წყალმომარაგება სისტემაში მომხდარი დაზიანების გამო შეწყდა. საქართველოს გაერთიანებული წყალმომარაგების ახალქალაქის სერვის ცენტრის ინფორმაციით, დაზიანების აღმოსაფხვრელად სამუშაოები მიმდინარეობს.
დილით, JNEWS- ის რედაქციამ მიიღო საჩივარი აზატუთიუნის ქუჩა N70 -ში მდებარე სახლის მცხოვრებლებისგან, რომ გუშინდელი დღიდან სასმელი წყალი არ აქვთ.
”ზაფხულის სიცხეში გუშინდელიდან მოყოლებული წყალი არ გვაქვს, წყალი ქუჩაში მიედინება. ეს უკვე აუტანელია, ის მაინც თქვან, როდის იქნება წყალი ხელმისაწვდომი?” – ამბობს სახლის ერთ -ერთი მკვიდრი.
JNEWS- მა სცადა გაერკვია საქართველოს გაერთიანებული წყალმომარაგების ახალქალაქის სერვისცენტრში რა ნაბიჯები იდგმება წყალმომარაგების აღსადგენად.
ახალქალაქის სერვისცენტრის ხელმძღვანელის, გეორგი ვახტანგიშვილის თქმით, წყალმომარაგება დროებით შეჩერებულია მილსადენზე მომხდარი დაზიანების გამო. ამჟამად, სამუშაოები მიმდინარეობს ადგილზე; დღის ბოლოსთვის წყალმომარაგება აღდგება.
