ედუარდ სპერციანი, რომელიც წარმოშობით ახალქალაქის სოფელ ხანდოდან არის, სომხეთის ეროვნულ საფეხბურთო ნაკრებში ჯერ კიდევ ახალი შესული იყო და უკვე ცნობილი გახდა. 31 მარტს სომხეთი-რუმინეთის მატჩის მეორე ნახევარში, სპერციანმა რუმინელების კარში ბურთი გაიტანა, გახსნა ანგარიში და მატჩის ბოლოს პენალტი გაიტანა. ედუარდ სპერციანის სომხეთის ნაკრებში შესვლას ჯავახეთში განსაკუთრებულად შეხვდნენ. 

ედუარდ სპერციანი — სომხეთის ნაკრების მეორე ფეხბურთელია, რომელმაც გოლი ჩანაცვლების დროს გაიტანა. ის სომხეთის ნაკრებში იმ საუკეთესო ახალგაზრდა ფეხბურთელთა ათეულში შევიდა, რომლებსაც კარგად გააქვთ გოლი. ის ახლა 20 წლისაა.

mer manch

სპერციანის ბაბუა ჯავახეთიდან სომხეთში – აშტარაკში საცხოვრებლად 1965 წელს გადავიდა, იქიდან კი –  რუსეთში. ედუარდ სპერციანი რუსეთში დაიბადა.

სპორტსმენი ფეხბურთს ექვსი წლის ასაკიდან თამაშობს. ის კრასნოდარის საფეხბურთო აკადემიაში სწავლობდა, ამჟამად კრასნოდარის გუნდის ფეხბურთელია, არის გუნდის უფროსი და ნახევარმცველი.

ის სომხეთის ნაკრებში სათამაშოდ მიიწვიეს. სომხეთის ნაკრების შემადგენლობაში სომხეთი-რუმინეთი მატჩის დროს პირველი გოლები გაიტანა.

2020 წლის სექტემბერში რუსეთის ეროვნული საფეხბურთო ლიგის «კრასნოდარის» მე -2 გუნდის წარმატებული გამოსვლის შემდეგ (12 გოლი), მისი დებიუტი რუსეთის პრემიერ-ლიგაში შედგა, თამაში «ხიმკაში» ჩაანაცვლა.

2020 წლის ოქტომბერში სპერციანმა, ასევე, დებიუტი იზეიმა ევროპულ არენაზე, უეფას ჩემპიონთა ლიგის ჩელსითან ჯგუფური ეტაპის მატჩში, როგორც შემცვლელმა.

ედუარდის ბიძა დიდი შთაგონებით და სიამაყით საუბრობს თავის ძმისშვილზე.

«მე მისი ბიძა ვარ, სიხარულისგან ადგილიდან ავხტი. სოფელში მყოფი ხალხი, ვინც მას იცნობს, ძალიან ბედნიერია და ამაყობს მისით», – ამბობს ვანიკ სპერციანი.

აღსანიშნავია, რომ ედუარდ სპერციანის მიერ რუმინეთის ნაკრებთან მატჩის 56-ე წუთზე გატანილი გოლი სომხეთის ნაკრების 220-ე მატჩში გატანილი 600-ე საიუბილეო გოლი გახდა.

footbol