ახალქალაქელი სპორტსმენები 2023 წლის პანსომეხური თამაშების საუკეთესო სომეხი სპორტსმენის ტიტულისთვის აგრძელებენ ბრძოლას. მკლავჭიდის შედეგების მიხედვით, ახალქალაქის გუნდს უკვე აქვს ვერცხლის მედალი – 8 აგვისტოს მძიმე ბრძოლაში არმენ კევნაკსზიანმა საპატიო მეორე ადგილი დაიკავა.
70-90 კილოგრამ წონით კატეგორიაში არმენ კევნაკსზიანი მიზანმიმართულად გავიდა ფინალში, ფინალურ ეტაპზე კი მსოფლიოს, ევროპისა და AMC-ის ჩემპიონ არმან ჰოვანნისიანს შეებრძოლა.
„ძალიან რთული იყო, რადგან წონაში სხვაობა 5 კგ უნდა ყოფილიყო, მაგრამ 20 კგ სხვაობით გააკეთეს და მეტოქეები ჩემზე ბევრად მძიმეები იყვნენ, რაც ართულებდა, პლუს იყვნენ ევროპის და მსოფლიოს ჩემპიონები, მეორე ადგილიც არ არის ცუდი შედეგი“, – ამბობს არმენ კევნაკსზიანი.
ამ წონით კატეგორიაში მთელი მსოფლიოდან 37 სპორტსმენი ასპარეზობდა.
ახალქალაქის ნაკრები პანსომხურ თამაშებში მონაწილეობას განაგრძობს. სპორტსმენებმა ცურვის შეჯიბრებები გამოტოვეს. 3 მოჭადრაკე აგრძელებს ბრძოლას. გამარჯვების იმედი აქვთ ფეხბურთის, ფრენბურთის, მაგიდის ჩოგბურთის და სირბილის გუნდებსაც.
დღეს პანსომხურ თამაშებშუ გამოდიან ჩვენი მოჭადრაკეები და ფეხბურთის ნაკრები.
