დღეს, 19 იანვარს, ნინოწმინდა-ოროჯალარის გზაზე ავტოსაგზაო შემთხვევა მოხდა. რელსების გადასასვლელზე მატარებელი Hyunday მარკის მსუბუქ ავტომობილს დაეჯახა.
დარტყმის შედეგად მანქანა რელსების გადაკვეთიდან 100-200 მეტრის სიშორეზე გადაისროლა. მანქანაში იყვნენ ცოლ- ქმარი, ორივე ნინოწმინდის მცხოვრებნი არიან.
დაშავებულები საავადმყოფოში გადაიყვანეს.
როგორც JNEWS-ს ახალქალაქის რაიონული საავადმყოფოდან აცნობეს, პაციენტები მძიმე მდგომარეობაში არიან, მათგან ერთი თბილისში გადაჰყავთ, მეორეს კი ამჟამად ოპერაციას უკეთებენ.
