მიმდინარე წლის მესამე კვარტალში თბილისში საცხოვრებელი უძრავი ქონების ფასების ინდექსი (RPPI) გასული წლის შესაბამის პერიოდთან შედარებით 5,9%-ით გაიზარდა. ამის შესახებ ნათქვამია სტატისტიკის ეროვნული სამსახურის, „საქსტატის“ მასალებში.
წინა კვარტალთან (2026 წლის აპრილი-ივნისი) შედარებით ინდექსი 1,5%-ით გაიზარდა, ხოლო 2020 წლის საშუალო მაჩვენებელთან შედარებით — 66,2%-ით.
RPPI-ის დაფარვის არეალი შემოიფარგლება თბილისით და მოიცავს მხოლოდ ახალი საცხოვრებელი უძრავი ქონების ბაზარს — როგორც მრავალსართულიანი სახლების (ბინების), ისე კერძო სახლების სეგმენტებს.
წლიურად ახალაშენებულ ბინებზე ფასები 5,6%-ით გაიზარდა, ხოლო ახალ კერძო სახლებზე — 7%-ით. წინა კვარტალთან შედარებით ფიქსირდება გაძვირება 1,2%-ით და 2,7%-ით შესაბამისად.
„საქსტატის“ მონაცემებით, თბილისში ახალი ბინების ფასები კვადრატულ მეტრზე 3,6 ათასიდან 7 ათას ლარამდე მერყეობს. ყველაზე ძვირი ცენტრალურ რაიონებში — მთაწმინდასა და ვაკეშია, ხოლო ყველაზე იაფი — გარეუბნებში: სამგორსა და გლდანში. რაიონების მიხედვით კვადრატული მეტრის მედიანური ღირებულება 2026 წლის მესამე კვარტალში ასე გადანაწილდა:
მთაწმინდა — 6 004 ლარი;
ვაკე — 6 046 ლარი;
კრწანისი — 4 635 ლარი;
საბურთალო — 4 444 ლარი;
დიდუბე — 4 168 ლარი;
ჩუღურეთი — 4 121 ლარი;
ისანი — 4 032 ლარი;
ნაძალადევი — 3 932 ლარი;
გლდანი — 3 830 ლარი;
სამგორი — 3 657 ლარი.
კერძო სახლების ფასები 2,8 ათასიდან 4,5 ათას ლარამდე მერყეობს:
ვაკე — 4 517 ლარი;
მთაწმინდა — 4 430 ლარი;
ჩუღურეთი — 3 637 ლარი;
საბურთალო — 3 543 ლარი;
დიდუბე — 3 448 ლარი;
ისანი — 3 213 ლარი;
გლდანი — 2 993 ლარი;
კრწანისი — 2 961 ლარი;
სამგორი — 2 839 ლარი;
ნაძალადევი — 2 798 ლარი.
ობიექტის ჩაბარების სტადიის მიხედვით, ახალი ბინების სეგმენტში კვადრატული მეტრის მედიანური ფასი შემდეგნაირად გადანაწილდა:
მწვანე კარკასი — 4 493 ლარი (წინა კვარტალში 4 409 ლარი);
თეთრი კარკასი — 3 752 ლარი (მეორე კვარტლის 3 703 ლარის საპირისპიროდ);
შავი კარკასი — 3 287 ლარი (აპრილ-ივნისის 3 340 ლარის საპირისპიროდ).
