საქართველოს გარემოს ეროვნული სააგენტოს ინფორმაციით, 15 აგვისტოს შუადღიდან 18 აგვისტოს შუადღემდე ქვეყნის უმეტეს რაიონში, მათ შორის ახალქალაქში, ნალექი შენარჩუნდება.
სინოპტიკოსების პროგნოზით, 15 აგვისტოს პერიოდული წვიმა მოსალოდნელია მცხეთა-მთიანეთის, კახეთისა და ქვემო ქართლის რეგიონებში, მათ შორის დედაქალაქშიც. 16-დან 18 აგვისტომდე კი დასავლეთ საქართველოს ყველა რეგიონში დროგამოშვებით ძლიერი წვიმაა მოსალოდნელი. ასევე შესაძლებელია ჭექა-ქუხილი, სეტყვა და ქარის გაძლიერება.
შაბათ-კვირას ახალქალაქშიც მოღრუბლული და წვიმიანი ამინდია მოსალოდნელი, შესაძლებელია ჭექა-ქუხილიც. დღისით ჰაერის ტემპერატურა დაახლოებით +20 °C იქნება, ხოლო ღამით — +11…+12 °C.
„მოსალოდნელმა ნალექებმა შესაძლებელია საქართველოს მცირე მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. საფრთხის დონე საშუალოა“, — ნათქვამია გარემოს ეროვნული სააგენტოს განცხადებაში.
