აპრილში საქართველოში ფულადი გზავნილების მოცულობა წლიურ ჭრილში 7,6%-ით გაიზარდა და 318,1 მლნ აშშ დოლარი შეადგინა. ამავდროულად, საქართველოდან საზღვარგარეთ გადარიცხული სახსრების მოცულობა 10,2%-ით გაიზარდა და 35,2 მლნ აშშ დოლარს მიაღწია“, — ნათქვამია ეროვნული ბანკის ანგარიშში.
ცენტრალური ბანკის მონაცემებით, ზრდაში ძირითადი წვლილი შეიტანა ევროკავშირის ქვეყნებიდან განხორციელებულმა ფულადმა გზავნილებმა, რაც წლიურ ჭრილში 6,8%-ით გაიზარდა. აშშ-დან გზავნილების ზრდა 8,0%-ით გაგრძელდა. ისრაელიდან ფულადი გზავნილები წლიურად 22,9%-ით გაიზარდა.
„აპრილში ფულადი გზავნილების ძირითადი წყაროები იყო ევროკავშირის ქვეყნები 44,5%-იანი წილით, აშშ — 18,3%-ით და რუსეთი — 13,2%-ით. ევროკავშირის ქვეყნებს შორის ყველაზე მნიშვნელოვანი წილი იტალიაზე (16,8%), გერმანიასა (9,0%) და საბერძნეთზე (8,0%) მოდის“, — აღნიშნულია საქართველოს ეროვნული ბანკის განცხადებაში.
