1 ივნისს ახალქალაქში ბავშვთა დაცვის საერთაშორისო დღე აღნიშნეს. ცენტრალური პარკი ხალხმრავალი იყო, სავსე სიხარულითა და ბავშვების სიცილით.
ღონისძიება 14:00 საათზე დაიწყო. შეკრებილი ბავშვებისა და მათი მშობლებისთვის პარკის სცენაზე ადგილობრივი ანსამბლები და საბავშვო ბაღების ჯგუფები გამოვიდნენ.
ახალქალაქის სამხატვრო სკოლა გამოფენით წარსდგა, ამასთანავე, სამხატვრო სკოლისა და წითელი ჯვრის თანამშრომლები ბავშვებს სახეებზე ხატავდნენ.
პარკში ბავშვები ერთობოდნენ კარუსელებით, ბატუტებითა და სხვა გასართობებით, რომლებიც სპეციალურად ამ დღესასწაულისთვის იყო ჩამოტანილი.
ბავშვებისთვის ერთ-ერთი გასართობი სხვადასხვა მულტფილმის ანიმატორებთან ფოტოების გადაღება იყო.
