19 იანვარს, ახალქალაქის სურბ ხაჩ ეკლესიაში წმინდა და უკვდავი ლიტურგიის შემდეგ, უწმინდესმა პატრიარქმა სოფელ გომანის სურბ გრიგორ ლუსავორიჩის ეკლესიის ქველმოქმედი რუბენ ბანდიკიანი სომხური სამოციქულო ეკლესიის უმაღლესი ორდენით სურბ ნერსეს შნორალის ორდენით დააჯილდოვა.
ლიტურგიის დროს უწმინდესმა ვარდაპეტმა ტერ ნშან ჰმაიაკიანმა უწმიდესისა და სრულიად სომეხთა პატრიარქის გარეგინ II-ის კონდაკი წაიკითხა, რის შემდეგაც საქართველოს სომეხთა ეპარქიის წინამძღვარმა რუბენ ბანდიკიანს „სურბ ნერსეს შნორალის“ ორდენი საზეიმოდ გადასცა.
„ჩემთვის დიდი სიხარული და პატივია, რომ დღეს მაქვს შესაძლებლობა, უწმინდესის პატრიარქის სახელით ჯილდო გადავცე ახალქალაქის რაიონის სოფელ გომანში ტაძრის რესტავრაციის ქველმოქმედს რუბენ ბანდიკიანს. ღმერთმა მისცეს მას ძალა და უნარი და განაგრძოს თავისი სოფლის ხალხის, მისი ნათესავებისა და მეგობრების და ზოგადად სომეხი ქრისტიანების სიხარულის მოხდენა ღვთისგან ბოძებული ღვაწლით. ყოველი ეკლესიის აშენება, ყოველი ეკლესიის ხელახალი გახსნა ნიშნავს, რომ ღვთის ახალი სახლი გვიღებს თავის კარებს. და რაც მეტი ღვთის სახლი იქნება, მით მეტი ლოცვა იქნება შესმენილი და რაც უფრო მეტი ლოცვა იქნება შესმენილი, მით უფრო დიდი იქნება ღმერთის არსებობა ჩვენს ცხოვრებაში“, – მისალოც სიტყვაში თქვა ეპარქიის წინამძღვარმა, უწმინდესმა ეპისკოპოსმა ტერ კირაკოს დავთიანმა.
ხაზგასმით აღვნიშნავთ, რომ უმაღლესი „სურბ ნერსეს შნორალის“ საპატიო ორდენი 1978 წელს უწმინდესისა და სრულიად სომეხთა კათოლიკოსის, ვაზგენ I პალჭიანის ლოცვა-კურთხევით დაარსდა. სრულიად სომეხთა კათალიკოსის კონდაკი დაჯილდოვებულია სომხეთის სამოციქულო წმიდა ეკლესიისა და დედა საყდრის წმიდა ეჯმიაძინის სახელით, საპატრიარქო განყოფილებების, სომხეთსა და დიასპორაში მომუშავე სომხური ეკლესიებისა და საეკლესიო ორგანიზაციების განმანათლებლობისათვის მრავალწლიანი ნაყოფიერი მუშაობისთვის მადლიერების ნიშნად.
ორდენი (50 x 40 მმ) დამზადებულია ვერცხლისგან და მოოქროვილია. ცენტრში არის წმინდა ეჯმიაძინის საკათედრო ტაძარი, საიდანაც იშლება პანორამული ხედები არარატის მთაზე. მას მარჯვნიდან და მარცხნივ ესაზღვრება გრეხილი ყვავილოვანი ლენტი, რომლის ზევითაც სულიწმიდა მტრედია გამოსახული, რომელიც ასხივებს შუქს, ქვემოდან კი ორი არწივია თავმობრუნებული. ორდენის კიდეები არის ლენტის სახით, რომელზედაც აწერია „სურბ ნერსეს შნორალი“ (Սուրբ Ներսես Շնորհալի).
ასევე წაიკითხეთ:
სოფელ გომანში წმინდა გრიგორ ლუსავორიჩის ეკლესია ხელახლა აკურთხეს (Photo)
სოფელ გომანში სომხური ჯვარი დადგეს (Photo)
წმინდა გრიგორ ლუსავორიჩის ეკლესიის რეკონსტრუქცია გრძელდება
„რატომ უნდა დარჩეს ოცნებად სოფელ გომანის მოსახლლეობისთვის ეკლესიის ქონა“?
„გომანში უკანონო არაფერი გაკეთებულა, ეკლესია არავის დაუზიანებია“
