---

2024 წელს საქართველოში საერთაშორისო მოგზაურების მიერ ჯამში 7 368 149 ვიზიტი განხორციელდა, რაც 4.2%-ით მეტია წინა წლის მაჩვენებელზე. ამის შესახებ ტურიზმის ეროვნული ადმინისტრაციის მიერ გავრცელებულ სტატისტიკურ მონაცემებშია აღნიშნული.

ამავე მაჩვენებლების მიხედვით, 2023 წელს საქართველოში ჯამში 7 072 220 ვიზიტი შედგა.

ტურიზმის ეროვნული ადმინისტრაციის ინფორმაციით, გასულ წელს, ქვეყნებს შორის, ყველაზე მეტი მოგზაური – რუსეთიდან, თურქეთიდან და სომხეთიდან შემოვიდა.

უფრო კონკრეტულად, ვიზიტორების ხუთეული ქვეყნების მიხედვით ასე ნაწილდება:

• რუსეთი – 1 421 923 (წინა წელთან შედარებით 0.2%-ანი ზრდა)
• თურქეთი – 1336834 (წინა წელთან შედარებით, -4.3%-ანი კლება)
• სომხეთი – 948299 (წინა წელთან შედარებით -1.5%-ანი კლება)
• ისრაელი – 310982 (წინა წელთან შედარებით – 43%-ანი ზრდა)
• აზერბაიჯანი – 219356 (წინა წელთან შედარებით 9.8%-ანი ზრდა)

სხვა მხრივ, სტატისტიკის მიხედვით, 2024 წელს, ცენტრალური და აღმოსავლეთ ევროპიდან ჯამში 3 312 874 საერთაშორისო მოგზაური შემოვიდა საქართველოში, რაც წინა წელთან შედარებით, 0.1%-ანი კლებაა, აღმოსავლეთ და ხმელთაშუა ევროპიდან – 1653029, რაც 2.2%-ანი ზრდაა, წინა წელთან შედარებით, დასავლეთ ევროპიდან ჯამში 152900 ვიზიტორი (წინა წელთან შედარებით, 18,3%-ანი ზრდა) და.ა.შ.