ახალქალაქისა და ნინოწმინდის მუნიციპალიტეტების ფერმერები კმაყოფილი არიან როგორც წლევანდელი სტაფილოს მოსავლით, ასევე ფასით. მაგრამ სტაფილო ყველა სოფელში არ ითესება და თანაც ცოტა ითესება, ვინაიდან სტაფილოს მოყვანა შრომატევადი სამუშაოა, ყველაფერი ხელით კეთდება.
ახალქალაქისა და ნინოწმინდის მუნიციპალიტეტებში სტაფილოს მოსავალს ოქტომბერში იღებენ. ფერმერები კმაყოფილი არიან მოსავლით და ფასით, ზოგიერთი სოფლის მცხოვრებმა მოსავალი უკვე გაყიდა. 1 კგ სტაფილოს ფასი 70-80 თეთრი ღირს. რეალიზაციასთან დაკავშირებით არანაირი პრობლემა არ ყოფილა, მყიდველები თვითონ მოდიოდნენ, ხოლო ზოგმა თვითონ წაიღო, გაყიდა მოსავალი ან საბითუმოდ ჩააბარა.
ახალქალაქის მუნიციპალიტეტში სტაფილოს მოყვანით ძირითადად სოფელ ბეჟანოში, ნინოწმინდის მუნიციპალიტეტში დიდი და პატარა გონდურას სოფლებში, ასევე მამზარაში არიან დაკავებული.
სოფელ ბეჟანოს მცხოვრები ამბობს, რომ მათ სოფელში სტაფილოს მოსავლის აღება დასრულდა, ზოგადად მოსავლით კმაყოფილი არიან.
“ფასი ნორმალურია. ზოგს უკეთესი მოსავალი ჰქონდა, ზოგს შედარებით ცუდი, ზოგადად მოსავლით კმაყოფილი ვართ. 1 კგ-ის ფასი 70-80 თეთრი ღირს”,- თქვა ბეჟანოს მცხოვრებმა.
მისივე თქმით, წელს სოფელ ბეჟანოში სტაფილოს სათესი მინდორი ზოგადად ცოტა იყო, მიუხედავად იმისა, რომ სტაფილოს მოყვანა არ საჭიროებს ფინანსურ ხარჯებს, როგორიცაა კარტოფილის წარმოება. მაგრამ სამუშაო შრომატევადია.
გრიგორ შამილიანი სოფელ დიდი გონდურადან ამბობს, რომ მისმა თანასოფლელებმა დიდი ხნის წინ გაყიდეს, მაგრამ მყიდველები მაინც მოდიან სტაფილოს საყიდლად.
„ფასი კარგია, ჩვენ გვაწყობს. მყიდველები ახლაც მოდიან, მაგრამ ხალხს აღარ აქვს. მე თვითონ 3 მეასედი დავთესე და კმაყოფილი ვარ მოსავლით. მოსავლიანობა 1 მეასედზე 1 ტონაა. ფასი 1 კგ-ზე 70-80 თეთრი ნორმალურია. კარტოფილთან შედარებით, სტაფილოს მოყვანა მცირე ხარჯებს მოითხოვს“, – ამბობს გრიგორ შამილიანი.
აღსანიშნავია, რომ ჯავახეთში სტაფილო მოჰყავთ, თუმცა კარგი მოსავლისა და ნორმალური ფასის მიუხედავად, როგორც ფერმერები ამბობენ, ის კარტოფილის ალტერნატიულ კულტურად ჯერჯერობით ვერ იქცა. სტაფილოს მოყვანა საკმაოდ რთული პროცესია. ყველა სამუშაო კეთდება ხელით, ფრთხილად უნდა მოირწყოს, რათა არ დაზიანდეს ნაზი ყლორტები და შედეგის მისაღებად სარეველას უნდა ებრძოლოთ.
