მორიგი, მე-12 ყოველწლიური საზაფხულო ბანაკი „ჯავახკი“ დასრულდა. 27 ივლისს, პატრიოტული სიმღერებით, ცეკვებითა და სამადლობელი სიტყვებით გამოსამშვიდობებელი ღონისძიება გაიმართა.
ბანაკი 22 ივლისს დაიწყო. 5 დღის განმავლობაში 13 სომეხი ახალგაზრდა აშშ-დან, საფრანგეთიდან და ავსტრალიიდან ინტენსიურად ეკონტაქტებოდა და ახალქალაქის ბავშვებთან საგანმანათლებლო მიზნებისთვის და მთელი მსოფლიოდან სომხებს შორის კომუნიკაციის შესაქმნელად მუშაობდა. ბანაკის საგანმანათლებლო ნაწილი მოიცავდა ისტორიის, სომხების კულტურის, სომხურ კლასიკურ, მაგრამ აქტუალურ ლიტერატურას. ჯგუფის ლიდერებმა თავიანთი მაგალითით აჩვენეს სპორტის განვითარების, ჰიგიენის დაცვის და ა.შ. მნიშვნელობა.
160-მდე ბავშვი ახალქალაქის ქალაქიდან და სოფლებიდან მთელი ამ დღეების განმავლობაში ბანაკს ესწრებოდა და ინტენსიურად სწავლობდა სიმღერებსა და ცეკვებს, რათა დღეს ეჩვენებინათ ის, რაც ისწავლეს. ბავშვები დაიყვნენ “წითელ”, “ლურჯ” და “ნარინჯისფერ” ჯგუფებად. თითოეულმა ჯგუფმა მოამზადა საკუთარი სიმღერა და საკუთარი ცეკვა. ბავშვები წვიმაში გამოდიოდნენ, მაგრამ, როგორც ჩანდა, უამინდობამ კიდევ უფრო აღაფრთოვანა ისინი.
დასასრულს იყო სამადლობელო სიტყვები. ბანაკის ლიდერებს მადლობის სიგელები გადაეცათ. ბანაკის ყველაზე ემოციური მონაწილეები ტირილით დაემშვიდობნენ თავიანთ მეგობრებს დიასპორიდან.
ყოველწლიური ბანაკი „ჯავახკი“ იმართება საქართველოს 4 მუნიციპალიტეტში: ახალქალაქში, ახალციხეში, ნინოწმინდასა და წალკაში. ბანაკი იმართება საქართველოს სომხების მხარდაჭერის კავშირის ფინანსური და ორგანიზაციული მხარდაჭერით. ბანაკში მონაწილეობენ არა მხოლოდ ახალგაზრდული ცენტრის ბავშვები, არამედ საქართველოს სომხების მხარდაჭერის კავშირის პროექტებში მონაწილეები, ობლები, სოციალურად დაუცველი ოჯახების და მრავალშვილიანი ოჯახების ბავშვები.
