სოფელ ბეჟანოში გზის მოასფალტების სამუშაოები 2021 წელს დაიწყო. სოფელში გზის ნახევარი უკვე მოასფალტებულია, დანარჩენ ნაწილზე მუშაობა წელს გრძელდება. თუმცა, სულ რაღაც ერთი წლის წინ აშენებული გზის ბეტონის წყალსადენები არხები უკვე ნადგურდება. სოფლის მოსახლეობა განგაშის ზარს სცემს, ნუთუ ასე დარჩება?
ბეჟანოში ამბობენ, რომ გზა სულ რაღაც ერთი წლის წინ მოასფალტდა და უკვე იშლება.
„ერთი წლის წინ, როცა გზა მოასფალტდა და ბეტონის წყლის არხები გაკეთდა, ერთი წელი გავიდა და უკვე იშლება. თითქმის 100 წლის განმავლობაში პირველად მოვიდნენ გზის გასარემონტებლად, თან ამ ფორმით. ხალხი სირცხვილისგან არ იღებს ხმას, ასე ფიქრობენ, ამიტომ მივედით ამ მდგომარეობამდე“, – ამბობს ბეჟანოს მოსახლეობა.
ახალქალაქის მუნიციპალიტეტის ინფრასტრუქტურის, არქიტექტურისა და სამშენებლო სამსახურის უფროსის, არა მოვსისიანის თქმით, ეს საკითხი მოგვარდება.
„სამუშაოები ამინდის პირობების გაუარესებამდე მიმდინარეობდა. სამუშაოები გზის პირას მიმდინარეობდა, შიდა სამუშაოები ძირითადად დასრულებულია. ამ სამუშაოებს დაახლოებით ორ თვეში დავასრულებთ. რაც შეეხება დაზიანებულ, დანგრეულ ბეტონის მონაკვეთებს, ისინი კვლავ გარემონტდება, ვინაიდან სამუშაოები გასული წლის შემოდგომაზე ჩატარდა. როგორც ჩანს, რაღაცა ისე არ არის გაკეთებული, რადგან ბევრგან ჩამოინგრა, ყველაფერს გაარემონტებენ, ამის შემდეგ დაიწყება ასფალტირება“, – ამბობს არა მოვსისიანი.
შეგახსენებთ, რომ ახალქალაქის მუნიციპალიტეტი ალათუმანი-ბეჟანოს გზის აღდგენის სამუშაოებს აგრძელებს, რომელიც 2021 წელს დაიწყო. რესტავრაცია ორ ეტაპად ტარდება. პირველი ეტაპი უკვე დასრულებულია, რომლის ფარგლებშიც სოფელ ბეჟანოს დასაწყისამდე გზა მოასფალტდა. მეორე ეტაპი ბორჯომის მუნიციპალიტეტის სოფელ ჩხაროლამდე გზის დაახლოებით 1,5 კმ-ის მოასფალტებას ითვალისწინებს.
პირველი ეტაპი დაფინანსებული და რეალიზებული იყო როგორც ადგილობრივი ბიუჯეტიდან, ასევე რეგიონული განვითარების ფონდიდან. დაიხარჯა 1 872 710 ლარი.
სამუშაოების მეორე ეტაპისთვის 1 609 675 ლარია გამოყოფილი.
ამ თემაზე ასევე შეგიძლიათ წაიკითხოთ:
