დღეს, 27 მარტს, ახალქალაქის მუნიციპალიტეტის საკრებულომ სხდომაზე დაამტკიცა 6-ვე პუნქტი, რომელიც ახალქალაქის მერიამ 2024 წლის ბიუჯეტის კორექტირებისთვის გაგზავნა.
ახალქალაქის მერიამ საკრებულოს გარდამავალი ბალანსიდან 385 677 ლარის ოდენობით საბიუჯეტო ცვლილებები გაუგზავნა.
– ინფრასტრუქტურის, არქიტექტურისა და ტერიტორიული დაგეგმარების, ტერიტორიული განვითარების, არქიტექტურისა და მშენებლობის სამსახურის წერილის მიხედვით, გზების რეაბილიტაციისთვის (ასფალტირება/ბეტონირება) საპროექტო ხარჯების საინჟინრო მომსახურებისთვის გათვალისწინებულია 250 000 ლარი.
– ახალქალაქის მუნიციპალიტეტში ადგილობრივ გზებთან დაკავშირებული სამუშაოების განხორციელების მიზნით შესყიდვების სამსახურის წერილის მიხედვით, სტიქიური უბედურების შედეგების ლიკვიდაციის მიზნით, მერიასა და შპს „ჯავახავტო გზას“ შორის დადებული მრავალწლიანი ხელშეკრულების საფუძველზე. საჭიროა 30000 ლარი.
– ადმინისტრაციული სამსახურის ორგანიზაციული განყოფილების წერილის მიხედვით, მერიის შენობების მისასვლელი სისტემის პროგრამული უზრუნველყოფის მომსახურებისთვის 950 ლარის გამოყოფაა გათვალისწინებული.
– საქართველოს ადგილობრივი თვითმმართველობის ეროვნული ასოციაციის საწევრო გადასახადზე კორექტირების ფარგლებში 4 727 ლარია გამოყოფილი.
– ასევე, 100 000 ლარია გათვალისწინებული ნაგვის კონტეინერების შესაძენად.
ბიუჯეტში ცვლილებების შემდეგ, გარდამავალი ნაშთი 1 202 036,03 ლარს შეადგენს.
