ახალქალაქში ქუჩების უმეტესობა რამდენიმე წელია არ არის მონიშნული, ხოლო ფედერალური მნიშვნელობის აღმაშენებლის ქუჩის ნაწილზე 2023 წლის ზაფხულში გაკეთებული მონიშვნები მალევე წაიშალა.
ქალაქ ახალქალაქში ქუჩები ორ ნაწილად იყოფა, ერთი ნაწილი ადგილობრივი ხელისუფლების პასუხისმგებლობას ექვემდებარება, მეორე კი ეროვნული მნიშვნელობის გზად არის განსაზღვრული და ექვემდებარება საავტომობილო გზების დეპარტამენტს. ეროვნული მნიშვნელობის გზებს მუდმივად ახორციელებს კონკრეტული კომპანია, რომელიც მრავალწლიან ტენდერში იგებს. ჯავახეთში სახელმწიფო გზებს კომპანია „ჯავახავტოგზა” ემსახურება. ამ სახელმწიფო გზების ნაწილია აღმაშენებლის ქუჩა, რომელიც 2019-2020 წლებში გარემონტდა. ამ გზის რეაბილიტაციის შემდეგ უნდა გაკეთებულიყო მონიშვნები და სარკეები უნდა დამონტაჟებულიყო. თუმცა, საბოლოოდ, 2023 წლის 28 ივნისს საავტომობილო გზების დეპარტამენტში მრავალჯერადი მოთხოვნის შემდეგ გაკეთდა მონიშვნები, ვინაიდან ქალაქის ამ მონაკვეთზე ყველაზე ხშირად ხდებოდა ავტოსაგზაო შემთხვევები და ფეხით მოსიარულეებთან შეჯახება.
საბოლოოდ, მონიშვნები გაჩნდა, თუმცა ერთი თვის შემდეგ გაქრა. ამჟამად, ამ მონაკვეთში იშვიათ ადგილებში ჩანს დარჩენილი საღებავი.
კომპანია „ჯავახავტოგზას“ დირექტორი ნოდარ ინასარიძე, ვისაც მივმართეთ იმისათვის, რომ გაგვერკვია აღმაშენებლისა და ჯავახეთის ქუჩებზე მონიშვნები როდის განახლდება, დარწმუნებულია, რომ მონიშვნები შრაშან არ გაკეთებულა.
„როდესაც სარეაბილიტაციო სამუშაოები ტარდება, მონიშვნებიც კეთდება. ხოლო შემდეგ, მომსახურების ფარგლებში, საჭიროების შემთხვევაში თბილისი გვიკვეთავს, ვაკეთებთ. ეს მონიშვნები გრძელდება 6 თვე, 6 თვე აქვს საგარანტიო ვადა. 6 თვის შემდეგ შეგიძლიათ ისევ მიმართოთ. ჯავახეთის ქუჩაზე ახლა დაიწყეს გაკეთება. აღმაშენებელზე 3 წლის წინ მოხაზეს, რა თქმა უნდა გაქრება. შარშან არ გვაქვს გაკეთებული. 4 წელი გავიდა უკვე. კარგად ვაკეთებთ, ამიტომ დიდხანს ძლებს“, – ამბობს კომპანია „ჯავახავტოგზა“-ს დირექტორი ნოდარ ინასარიძე.
საქართველოს საავტომობილო გზების დეპარტამენტის უფროსის მოადგილის, პავლე გამყრელიძის თქმით, ხელშეკრულებაში მითითებულია ყველა ქმედება, რომელიც უნდა გააკეთონ კომპანიებმა, რომლებიც ახორციელებენ მათ დაქვემდებარებაში არსებულ გზებს.
„რა თქმა უნდა, ზამთარში მონიშვნებს არავინ აკეთებს. რადგან ზამთარში ამ რეგიონს ხშირად აქვს ცუდი კლიმატური პირობები, როცა გზები სუფთავდება თოვლისგან, მარილს ყრიან და ა.შ. რაც ცუდად მოქმედებს. ამის შემდეგ ხელახლა უნდა გაკეთდეს. ამიტომ გავაკეთებთ, როცა ზამთრის პერიოდი გავა. ასფალტის სამუშაოები აუცილებლად დაიწყება სადღაც აპრილში, როცა ორმოები არ იქნება, გზა სტაბილურია, შემდეგ კეთდება მონიშვნა. ეს სტანდარტული პროცედურაა, თუ კომპანია რაიმეს არასწორად აკეთებს, მერე გვყავს კომპანიები, რომლებიც ახორციელებენ ზედამხედველობას და თუ რამე არ კეთდება, მიმდინარეობს გამოძიება, ვაგზავნით წერილს, რომ თუ, მაგალითად, სამუშაოები 3-5 დღეში არ ჩატარდება, მაშინ სანქციები მოყვება და ასე შემდეგ“, – ამბობს პავლე გამყრელიძე.
რაც შეეხება ახალქალაქის დანარჩენ ქუჩებს, ბოლოს მონიშვნა 2020 წელს, თავისუფლების ცენტრალურ ქუჩაზე, 2 ადგილას გაკეთდა. თუმცა, აღმაშენებლის სახიფათო მონაკვეთის თემის განხილვისას ადგილობრივი ხელისუფლების წარმომადგენლები ამტკიცებდნენ, რომ გზის ეს მონაკვეთი მათი პასუხისმგებლობის ქვეშ რომ იყო, მასზე მონიშვნები დიდი ხნის წინ გაჩნდებოდა.
მაგრამ გასულ, 2023 წელს, ადგილობრივი ხელისუფლების პასუხისმგებლობით არცერთ ქუჩაზე მონიშვნა არ გაკეთებულა. 2024 წლის ბიუჯეტში მონიშვნების ხარჯები ასევე არ არის გათვალისწინებული. თუმცა, ინფრასტრუქტურის, არქიტექტურისა და ტერიტორიული დაგეგმარების სამსახურის ინფრასტრუქტურისა და ტერიტორიული დაგეგმარების დეპარტამენტის უფროსის, არა მოვსისიანის თქმით, წელს ქალაქში მარკირება განხორციელდება.
„პროგრამაში მონიშვნები არის. ამისთვის სპეციალური პროექტი გვინდა. არის პროგრამა, თუმცა ბიუჯეტში არ არის შეტანილი, ფინანსები ჯერ გამოყოფილი არ არის. რაც შეეხება ხარისხს, არ გვაქვს უფლება რაიმე საშუალების სახელი შევიტანოთ, უნდა ეწეროს ლაქი. რაც შეეხება კონტროლს, ჩვენ შეგვიძლია მშენებლებთან შეთანხმება, რათა ნორმალური ხარისხის გააკეთონ, მაგრამ დოკუმენტალურად ვერ დავავალდებულებთ. წელიწადი ახლა დაიწყო, და ამისთვის ფინანსები როდის გამოიყოფა, ვერ ვიტყვით. მომავალი ორი თვის განმავლობაში მოვაგვარებთ, დავგეგმავთ და გავაკეთებთ“,- ამბობს არა მოვსისიანი.
