უკვე თითქმის ერთი თვეა, რაც ახალქალაქში ვირუსი გავრცელდა. სიმპტომები ყველასთან  პრაქტიკულად ერთნაირია: სისუსტე, ხველა, ყელის ტკივილი. ექსპერტები აღნიშნავენ, რომ გავრცელებული ვირუსი შესაძლოა იყოს Covid-19-ის შტამი.

ახალქალაქის რეფერალური საავადმყოფოს ეპიდემიოლოგი გაიანე ფიდანიანი ამბობს, რომ ვირუსი ძალიან გავრცელებულია, თუმცა მძიმე შემთხვევები არ დაფიქსირებულა.

„არიან ვინც მოგვმართა, შეინიშნება ვირუსის გავრცელება, შეიძლება იყოს covid-ის ახალი შტამი, გასული წლის აგვისტოში, თუ გახსოვთ, იყო აფეთქება, რადგან ხალხი დასასვენებლად წავიდა და ვირუსი იქიდან ჩამოიტანეს. მაშინ შემეძლო მეთქვა, რომ ეს იყო კორონავირუსი, რადგან ტესტის შედეგები დადებითი იყო. არის არა მხოლოდ კორონოვირუსი, არამედ ნებისმიერი სხვა ვირუსი. არ აქვს მნიშვნელობა ცხელ ამინდს, ადამიანები ჰაერწვეთოვანი გზებით ინფიცირდებიან“, – ამბობს ეპიდემიოლოგი.

სპეციალისტი აღნიშნავს, რომ საქართველოში, მათ შორის ახალქალაქში, სეზონური დაავადებები ხშირია წლის მე-40 კვირიდან მომდევნო წლის მე-20 კვირამდე.

„ხველა — ვირუსის ზემოქმედების გართულება, რომელიც ძალიან ხშირად ჩნდება ადამიანებში, რომლებიც არ მკურნალობენ, ვირუსი ბრონქებიდან ფილტვებში ადვილად გადადის“, – ამბობს გაიანე ფიდანიანი.

ეპიდემიოლოგი რეკომენდაციას გვიწევს, განსაკუთრებით ბავშვების შემთხვევაში, აუცილებლად მივმართოთ ექიმს, დავლიოთ ბევრი სითხე (მინიმუმ 2 ლიტრი დღეში, არა  ჩაი, ყავა ან წვენი, არამედ მინერალური წყალი), რომელიც მოქმედებს როგორც გამწმენდი საშუალება ნებისმიერი ვირუსისთვის, და არ გამოვიყენოთ ანტიბიოტიკები ექიმის დანიშნულების გარეშე.

„ვირუსების სეზონი მოდის, ვერ ვიტყვით, როგორი ვირუსები და კორონავირუსის შტამები შეიძლება იყოს, არ ღირს ამის გაკეთება, როცა ადამიანებს, განსაკუთრებით ბავშვებს, ანტიბიოტიკებით ავსებენ და შემდეგ, საჭიროების შემთხვევაში, ანტიბიოტიკს აღარ აქვს ეფექტი. ჩემი რჩევა ყველას: არასოდეს დალიოთ ანტიბიოტიკები და აუცილებლად მიმართეთ ექიმს“, – ამბობს ის.

ის აღნიშნავს, რომ ფართოდ არის გავრცელებული ფაღარათი, ისევე როგორც სხეულის მაღალი ტემპერატურა- არის ახალი ვირუსი, რომელიც ფართოდ არის გავრცელებული მოსახლეობაში.

„Covid -ის სიმპტომები არ შეცვლილა, იგივეა, რაც არ უნდა შეიცვალოს შტამები, ზოგადი ნიშნები იგივე რჩება. არ არის საჭირო პანიკა, ეს სეზონი მშვიდად ჩაივლის“, – ამატებს სპეციალისტი.

რეგულარული, სეზონური სურდოს საწინააღმდეგო ვაქცინაცია სეზონის დაწყებამდე იწყება, მისი დაწყება შესაძლებელია სექტემბრის ბოლოდან.

„თუ ჩვენ სწორად ვართ ვაქცინირებული და თუ ჩვენი იმუნიტეტი ნორმალურად მუშაობს, მაშინ ორივე შემთხვევაში ვაქცინაციის დაცვა 90%-მდე და მეტი იქნება. გრიპის ვაქცინის დატოვება არ შეიძლება არც სეზონისთვის და არც სეზონის ბოლოსთვის, რადგან ვაქცინა მოქმედებს ერთი თვის განმავლობაში და ქმნის სტაბილურ იმუნიტეტს, რაც საკმარისია ვირუსთან საბრძოლველად მთელი სეზონის განმავლობაში“, – ამბობს გაიანე ფიდანიანი.

ახალქალაქის საზოგადოებრივი ჯანდაცვის ცენტრის დირექტორი სირანუშ ტონაკანიანიც ადასტურებს, რომ გავრცელებული ვირუსი შესაძლოა Covid-19-ის შტამი იყოს.

„ვინც ზღვაზე დასასვენებლად მიდის, უკვე ვირუსით ინფიცირებული ბრუნდება. ზღვის შემდეგ კორონავირუსზე ორი დადებითი ტესტი აღმოვაჩინეთ. ხაზს ვუსვამ, რომ თუ გავზრდით ჩატარებული ტესტების რაოდენობას, მაშინ გაცილებით მეტი შემთხვევა იქნება. ახლა კორონოვირუსს მწვავე რესპირატორულ ინფექციად თვლიან“, – ამბობს სირანუშ ტონაკანიანი.

სფეროს სპეციალისტები აღნიშნავენ, რომ ახალქალაქში ასევე ხშირია ნაწლავური დაავადებები.