ახალქალაქის მუნიციპალიტეტიდან ნაირა მკოიანი და რუზანა ზოფუნიანი 3000 აპლიკანტს შორის ორნი არიან, რომლებმაც გაიარეს ბუქარესტის ეკონომიკური უნივერსიტეტის პროექტის “ბუქარესტის საზაფხულო უნივერსიტეტის” მიღების ყველა ეტაპი და გაატარეს 15 ლამაზი საგანმანათლებლო და კულტურული დღე რუმინეთში.
ნაირა მკოიაი 20 წლისაა, დაამთავრა ახალქალაქის მე-4 საჯარო სკოლა, უმაღლეს განათლებას აგრძელებს ერევნის სახელმწიფო უნივერსიტეტის საერთაშორისო ურთიერთობების ფაკულტეტზე, ის უკვე მე-3 კურსის სტუდენტია. სწავლის პარალელურად ეწევა მოხალისეობრივ საქმიანობას, არის საერთაშორისო ურთიერთობების ფაკულტეტის სტუდენტურ-სამეცნიერო საზოგადოების ვიცე-პრეზიდენტი.
რუზანნა ზოფუნიანიც 20 წლისაა, დაამთავრა ახალქალაქის მე-2 საჯარო სკოლა, შემდეგ სწავლა განაგრძო ერევნის რუსულ-სომხურ უნივერსიტეტში, ისიც მე-3 კურსის სტუდენტია. ნაირას მსგავსად, რუზანნაც საერთაშორისო ურთიერთობების ფაკულტეტზე სწავლობს. მისთვის ასევე პრიორიტეტულია მოხალისეობრივი სამუშაოს შესრულება.
ორი და (და-ძმის ქალიშვილი) აქტიური სტუდენტები არიან, მონაწილეობენ სხვადასხვა პროექტში, ეწევიან აქტიურ სტუდენტურ ცხოვრებას.
როცა გაიგეს „ბუქარესტის საზაფხულო უნივერსიტეტის“ პროექტის შესახებ, გადაწყვიტეს მონაწილეობა. პროექტს ბუქარესტის უნივერსიტეტის ეკონომიკის ფაკულტეტი 17 წელია ახორციელებს, ჩვენმა გმირებმა პირველად მიმართეს და მიიღეს მონაწილეობა.
პროგრამით გოგონები დაინტერესდნენ, რადგან არცერთი მათგანი არ იყო საგანმანათლებლო, მაგრამ ასევე დაათვალიერეს ქვეყანა და მონაწილეებმა წარმოადგინეს თავიანთი ქვეყნები.
„ვკითხეთ, როგორ გვირჩიეს 3000 ადამიანიდან, გვითხრეს, რომ ჩვენი სოციალური გვერდებიც აინტერესებთ, მათთვის ძალიან მნიშვნელოვანი იყო პროგრამაში მონაწილეობა განათლების მისაღებად და არა სხვა მიზნით. მაგალითად: მათ თქვეს, რომ პაკისტანიდან 6000-მა ადამიანმა შეავსო განაცხადი მხოლოდ თავიანთი ქვეყნიდან გაქცევისთვის. ჩვენი ვებ. გვერდებზე მითითებულია რა სახის მოხალოსეობრივ საქმიანობას ვაკეთებთ და ასე აგვირჩიეს. ჩვენ ვიცით, რომ მოხალისეობას ევროპაში ძალიან აფასებენ“, – ამბობენ გოგონები.
გავლას არ ელოდნენ, ყველა ეტაპის გადალახვას შეძლებდნენ, მაგრამ როცა ელ.წერილი მიიღეს, რომ ყველა ეტაპი წარმატებით გადალახეს, სასიამოვნოდ გაოცდნენ.
„სიამაყო იყო ჩვენთვის ის ფაქტი, რომ თუ სხვა მონაწილეები წარმოადგენდნენ ერთ სახელმწიფოს, ჩვენ წარმოვადგენდით ორს: სომხეთს და საქართველოსაც. ორივე ქვეყნის თანაბრად წარმოჩენა დიდი პასუხისმგებლობა იყო ჩვენთვის“, – იზიარებენ გოგონები.
გარდა იმისა, რომ დღის განმავლობაში ძირითადად გაკვეთილებით იყვნენ დაკავებულნი, რუმინეთის ქალაქებშიც დაათვალიერეს, სამი დღე გაატარეს ბრასოვსა და ტრანსილვანიაში.
მოინახულეს ღირსშესანიშნაობები, იყვნენ მუზეუმებში, ბანკებში, პარლამენტში და სხვაგან.
პროექტის ენა იყო ინგლისური. ჩვენი გმირები საუბრობენ მშობლიურ ენაზე, ინგლისურ და რუსულ ენებზე. ახლა ნაირა უკვე თურქულს სწავლობს, რუზანა კი არაბულს.
ისინი ბუქარესტიდან აღფრთოვანებულები დაბრუნდნენ, შეიძინეს ახალი ცოდნა, უნარები და მეგობრები.
„პროექტის ფარგლებში შევხვდით და დავმეგობრდით 40 ქვეყნის წარმომადგენელთან. იმდენი ვუთხარით მათ საქართველოზე და სომხეთზე, რომ სამმა უკვე დაგვპირდა, რომ მალე ჩამოვლენ ჩვენს ქვეყნებში. საგანმანათლებლო ნაწილი ძირითადად ეხებოდა პლანეტა დედამიწის უკეთ შენარჩუნებას, სტაბილიზაციას, გარემოს დაცვას“.
დები საკუთარ მომავალს ახალქალაქში ვერ ხედავენ, ამავდროულად არ აქვთ კონკრეტული გეგმები, თუ რას გააკეთებენ მომავალში, მხოლოდ ერთში არიან დარწმუნებულნი, რომ სწავლას გააგრძელებენ.
მათი რჩევაა მოსწავლეებს – გამოიჩინონ აქტიურობა, თუნდაც სკოლის წლებიდან, დაინტერესდნენ მოხალისეობით, ასევე ყურადღება მიაქციონ არაფორმალურ განათლებას და მონაწილეობა მიიღონ სხვადასხვა საგანმანათლებლო პროგრამებში.
