რამდენიმე დღის წინ სომხურმა სხვადასხვა მედიამ გაავრცელა ინფორმაცია, რომ 1 ივლისიდან უკვე შესაძლებელია საქართველო-სომხეთის საზღვრის გადაკვეთა ID-ბარათით, თუმცა საქართველოს საპატრულო პოლიციაში JNEWS-ს აცნობეს, რომ ეს ჯერჯერობით შეუძლებელია.
სომხეთის საგარეო საქმეთა სამინისტრომ ასევე გამოაქვეყნა განმარტებითი განცხადება, სადაც ნათქვამია, რომ იმისათვის, რომ „სომხეთის რესპუბლიკასა და საქართველოს შორის ორი სახელმწიფოს მოქალაქეების უვიზო მიმოსვლის შესახებ შეთანხმება“ ძალაში შევიდეს, საჭიროა დადასტურდეს მხარეებს შორის შესაბამისი თარიღი.
სომხეთის საგარეო საქმეთა სამინისტროს განცხადებით, საქართველოში შესვლა სომხეთის რესპუბლიკის პირადობის დამადასტურებელი მოწმობებით (რომელიც შეიცავს მონაცემთა ელექტრონულ მატარებელს) შესაძლებელი გახდება „ორი სახელმწიფოს, სომხეთის რესპუბლიკისა და საქართველოს მოქალაქეებს შორის უვიზო მიმოსვლის შესახებ“ შეთანხმების ამოქმედების, რომელიც გაფირმებული და ხელმოწერილია 2023 წლის 12 იანვარს.
2023 წლის 26 ივნისს სომხეთის რესპუბლიკის ეროვნულმა ასამბლეამ მიიღო კანონი ხელშეკრულების რატიფიკაციის შესახებ. შემდეგი ნაბიჯის სახით, მხარეები უნდა შეთანხმდნენ ხელშეკრულების ძალაში შესვლის შესაბამის თარიღზე.
ასევე აღნიშნულია, რომ ხელშეკრულების ძალაში შესვლის შესახებ ინფორმაციას საგარეო საქმეთა სამინისტრო გამოაქვეყნებს და ოფიციალურ გვერდებზე განთავსდება.
საქართველოს საპატრულო პოლიციის დეპარტამენტი JNEWS-თან სატელეფონო საუბარში ადასტურებს, რომ საქართველო-სომხეთის სახელმწიფოთაშორისი საზღვრის ID-ბარათით გადაკვეთა კვლავ შეუძლებელია.
შეთანხმების ძალაში შესვლის შემდეგ, სომხეთისა და საქართველოს მოქალაქეებს საქართველო-სომხეთის საზღვრის გადაკვეთა ID-ბარათით, პასპორტის გარეშე შეეძლებათ.
სომხეთსა და საქართველოს შორის უვიზო რეჟიმი მოქმედებს.
