21 მაისს საჯარო სკოლაში ბოლო ზარი დარეკეს. სკოლა 47-მა მოსწავლემ დაამთავრა.
მოსწავლეებმა იმღერეს, მასწავლებლებისთვის სამადლობელო სიტყვით გამოვიდნენ, სომხური, ქართული ცეკვები შეასრულეს, ორმა კლასმა ცალ-ცალკე სხვადასხვა მუსიკაზე იცეკვა ვალსი, რის შემდეგაც ბუშტები და სომხეთის დროშის ფერებით კვამლი გაუშვეს. ყვავილები ყველა იმ მასწავლებელმა მიიღო, ვინც ამ კლასებში ასწავლიდა. სკოლის დირექტორმა რუზან ტეპოიანმა სწავლასა და სპორტში წარმატებული ნიჭიერი მოსწავლეები წარადგინა და დიპლომები გადასცა.
ახალქალაქის მუნიციპალიტეტში წელს 599 მოსწავლემ დაამთავრა სკოლა. 19 მაისს მე-3 (ჭავჭავაძის სახელობის), მე-4 (დემირჩიანის სახელობის) და ზოგიერთი სოფლის სკოლაში მოსწავლეებს ბოლო ზარი ჰქონდათ. 20 მაისს მე-2 სკოლაში (რუსული) და სოფლის რიგ სკოლებში ბოლო ზარისადმი მიძღვნილი ღონისძიება გაიმართა. 21 მაისს 1-ელ სკოლაში (თუმანიანის შემდეგ) დარეკეს ბოლო ზარი. საბოლოო ღონისძიება კი ქალაქში 22 მაისს მე-5 სკოლაში (ყოფილი სკოლა-ინტერნატი) ჩატარდება. ბოლო ზარს ყველა სოფლის სკოლა ზეიმობს.
