აღმაშენებლის ქუჩაზე პოლიციის შენობის წინ ახალი სკვერის მშენებლობაზე მუშაობენ. ახლომდებარე ცუდ მდგომარეობაში არსებული სტადიონის რეაბილიტაცია კი არ ჩატარდება.
აღმაშენებლის ქუჩაზე მდებარე მრავალსართულიანი კორპუსების მცხოვრებლებს სიახლე გაუხარდათ, რადგან ქალაქის ამ უბანში გაჩნდება ადგილი, სადაც ბავშვები ითამაშებენ, უფროსები კი უბრალოდ დასხდებიან და დაისვენებენ. საერთო ჯამში, 192 678 ლარი გამოიყო იმისთვის, რომ მრავალსართულიან შენობებს ჰქონდეთ ადგილი, სადაც ბავშვები და მოზარდები დროს გაატარებენ. აუქციონი 24 მარტს 171 000 ლარის ოდენობით დასრულდა. კერძო მეწარმემ სერგეი ჩოლახიანმა სარეაბილიტაციო სამუშაოები უკვე დაიწყო: ძველი საქანელები მოიხსნა და სამშენებლო მასალა მიიტანეს.
პარკი მოიცავს ბილიკებს როგორც ფეხით მოსიარულეებისთვის, ასევე ველოსიპედებისთვის. მოედანი ორ ნაწილად გაიყოფა – სატრენაჟორო და საბავშვო. დამონტაჟდება სკამები და ნაგვის ურნები, განთავსდება განათებები, სასმელი შადრევნები. უსაფრთხოების მიზნით მოედნის ნაწილი რეზინით დაიფარება. ბავშვთა გასართობ ზონაში ეკოლოგიურად სუფთა მასალისგან დამზადებული მრავალფუნქციური კლასიკური ატრაქციონი დამონტაჟდება.
ტრენაჟორებში შედის ორადგილიანი საქანელები და ორი ჩამოსასრიალებელი. მეორე მოედანზე განთავსდება სიმულატორები. გაზონის გამწვანებისთვის, ნიადაგის პროფილირებისთვის, ბალახის საფარის დათესვისა და დატკეპნისთვის, ნაძვისა და კოწახურის ბუჩქის დასარგავად ნაყოფიერი ნიადაგის დამატება იგეგმება.
ახალი პარკი ფეხბურთის მოედნის გვერდით შენდება, რომელიც უკვე რამდენიმე წელია უსარგებლოა და მწვანე საფარის არქონისა და ცემენტის მტვრის გამო არ იყენებენ. მაგრამ სტადიონი საერთო რეკრეაციულ ზონაში არ შედის და რეაბილიტაცია ჯერჯერობით არ ჩაუტარდება.
ვინ იზრუნებს აღმაშენებელზე ახალი პარკის მშენებლობაზე
აღმაშენებლის მაღალი კორპუსებისთვის პარკის მშენებლობაზე ტენდერი გამოცხადდა
