2023 წლის ერთიან ეროვნულ გამოცდებზე რეგისტრაცია 2 მარტს 10:00 საათზე დაიწყო და 4 აპრილს 18:00 საათამდე გაგრძელდება. რეგისტრაცია მხოლოდ ელექტრონული ფორმით შეფასებისა და გამოცდების ეროვნული ცენტრის ვებგვერდზე online.naec.ge შეგიძლიათ.
წარმოგიდგენთ ელექტრონულ სარეგისტრაციო ფორმას:
პირველ რიგში, გვერდზე www.naec.ge უნდა გადახვიდეთ, შემდეგ სტატიაზე, რომელიც სიახლეების განყოფილებაშია განთავსებული, სადაც გამოცდებზე რეგისტრაციის შესახებ ინფორმაციაა მითითებული.
აირჩიეთ ღილაკი „ონლაინ რეგისტრაცია“.
შემდეგ – „ეროვნული გამოცდები“.
აირჩიეთ ღილაკი „განაცხადის შევსება“.
ზემოაღნიშნული ნაბიჯების დასრულების შემდეგ იხსნება ფანჯარა, სადაც პირადი ნომერი უნდა ჩაწეროთ, შეიყვანოთ ქვემოთ მოცემული კოდი და დააჭიროთ “გაგრძელების” ღილაკს.
გახსოვდეთ, სანამ ონლაინ რეგისტრაციას გააგრძელებთ, გამოცდის საფასური უნდა გადაიხადოთ, რომელიც 10 ლარს შეადგენს.
