ახალქალაქი-არაგვას გზატკეცილზე 4 თებერვალს ავტოსაგზაო შემთხვევა მოხდა: საქორწილო კორტეჟის ერთ-ერთ მანქანა მეორე, მომავალ მანქანას შეეჯახა.
თვითმხილველების თქმით, საქორწინო კორტეჟიდან გამოსული ავტომობილი გზიდან გადავარდა და მისკენ მიმავალ მანქანას დაეჯახა.
როგორც Jnews-მა ახალქალაქის საავადმყოფოდან შეიტყო, ხუთი ადამიანი სხვადასხვა სახის დაზიანებებით კლინიკაში გადაიყვანეს. ერთი პაციენტი უკვე გორის კლინიკაში რეანიმობილით გადაჰყავთ, რადგან ნეიროქირურგი სჭირდება. ორი პაციენტი სახის ძვლის, თავის ქალისა და ზურგის მოტეხილობით რეანიმობილით გადაიყვანეს. დანარჩენი ორი პაციენტი მკურნალობას ახალქალაქის კლინიკაში გააგრძელებს.
ყველა პაციენტის მდგომარეობა სტაბილურია. საავადმყოფოში მიყვანის წუთიდან რამდენიმე საათის განმავლობაში გართულებები არ დაფიქსირებულა.
