პროფესიული განათლების სააგენტო მიღებას აცხადებს. პროფესიული ტესტირება სააგენტოში შესაძლოა არა მხოლოდ ქართულ, არამედ რუსულ, სომხურ და აზერბაიჯანულ ენებზეც წარიმართოს. იმ შემთხვევაში თუ აბიტურიენტი ტესტირებას ქართულ ენაზე არ გაივლის, ქართული ენის მოდულს შეისწავლის, რის შემდეგაც ნებისმიერი პროფესიული პროგრამის ნებისმიერ ენაზე შესწავლას განაგრძობს.
სპეციალობების ჩამონათვალს შეგიძლიათ გაეცნოთ აქ: https://vet.emis.ge
აბიტურიენტებს შეუძლიათ ერთდროულად სამ პროფესიულ პროგრამაზე დარეგისტრირდნენ. იმისთვის, რომ დაუშვან პროფესიული განათლების პროგრამაზე, აბიტურიენტს უნდა ჰქონდეს 9, ან 12 კლასის განათლება.
რა შემთხვევაში გათავისუფლდება აბიტურიენტი ეროვნული გამოცდების ცენტრის ტესტირებისგან?
სხვა ქვეყნის მოქალაქეს, ვისაც აქვს თანამემამულის სტატუსი, მაგრამ სხვა სახელმწიფოში ცხოვრობს.
თუ განმცხადებელი საქართველოს მოქალაქეა, მაგრამ 2022 წელს სკოლა სხვა ქვეყანაში დაამთავრა, მისი განათლების დამადასტურებელი დოკუმენტი კი აღიარებულია განათლების ხარისხის განვითარების საქართველოს ეროვნული ცენტრის მიერ.
თუ ის არის საქართველოს მოქალაქე, ან აქვს პირადობის დამადასტურებელი დოკუმენტი, ლეგალურად ცხოვრობს საქართველოს კონფლიქტურ რეგიონებში, აფხაზეთში ან ცხინვალში, 2022 წელს სკოლა ოკუპირებულ ტერიტორიაზე დაამთავრა, მის მიერ განათლების მიღება აღიარებულია იმ წესით, რომელიც საქართველოს მეცნიერებისა და განათლების სამინისტრომ დაადგინა.
იმ შემთხვევაში თუ პირი ეძებს თავშესაფარს და არ აქვს დევნილის სტატუსი.
პროფესიული სწავლების პროგრამაზე რეგისტრაცია 22 აგვისტოდან დაიწყება.
უნდა აღნიშნოს, რომ უნარების სააგენტო 2021 წელს სახელმწიფოსა და კერძო სექტორის თანამშრომლობის ფორმატში განათლების სამინისტროსა და საქართველოს სავაჭრო-სამრეწველო პალატის ერთობლივი ინიციატივით შეიქმნა.
უნარების სააგენტოს როლი და ფუნქციაა პროფესიული განათლების მოქნილი სისტემის განვითარებაში მდგომარეობს. საქართველოში საჯარო და კერძო სექტორის თანამშრომლობის გაძლიერების მიზით, რაც უზრუნველყოფს ხარისხის გაუმჯობესებას, შრომის ბაზართან დაახლოებას და ეფექტიან კოორდინაციას.
