ახალქალაქელი სპორტსმენები მედლებით დაბრუნდნენ ღია ოლიმპიური ჩემპიონატიდან – Caspian Karate WKF-ი , რომელშიც საქართველოს სხვადასხვა რეგიონიდან 400-მდე სპორტსმენი მონაწილეობდა.
ახალქალაქის მუნიციპალიტეტის სოფელ თირკნას, ბალხოსა და მაჯადიას სპორტსმენებმა გამარჯვება სხვადასხვა ასაკობრივ და წონით კატეგორიაში მოიპოვეს.
10-11 წლის ასაკობრივ ჯგუფში 32 კგ-მდე წონით კატეგორიაში პირველი ადგილი დაიკავა სოფელ თირკნადან სამველ აღასარიანმა, ასევე, მესამე ადგილი – 10-11 წლის ასაკის +32 კგ წონით კატეგორიაში.
+37 კგ წონით კატეგორიაში მეორე ადგილზე ბალხოელი ვარდი შახბაზიანი 10-11 წლის ასაკობრივ ჯგუფში გავიდა.
37 კგ-მდე წონით კატეგორიაში 10-11 წლის ასაკიანებს შორის მესამე ადგილი დაიკავა სპორტსმენმა სოფელ მაჯადიადან, შოთა ხედოიანმა.
ანაჰიტ ნიკოღოსიანმა, სოფელ თირკნადან, 8-9 წლის ასაკობრივ ჯგუფში მე-3 ადგილი დაიკავა.
აღსანიშნავია, რომ ჯავახეთში მედლებით დაბრუნებულმა სპორტსმენებმა შეჯიბრებებში პირველად მიიღეს მონაწილეობა და პირველივე ორთაბრძოლებში გამარჯვებები დააფიქსირეს.
ამ სპორტსმენების მწვრთნელი სარგის მარგარიანია.
