დღეს, 18 აგვისტოს, ნინოწმინდაში საინფორმაციო შეხვედრა გაიმართა, რომელიც ორგანიზებული იყო შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის მიერ სამცხე-ჯავახეთის რეგიონისა და ნინოწმინდის მუნიციპალიტეტის მერიის თანამშრომლობით.
შეხვედრა ნინოწმინდის მერიის წინ შედგა. სახელმწიფო მინისტრის მოადგილე ლია გიგაურს თან ახლდა სამცხე-ჯავახეთის გუბერნატორი, ბესიკ ამირანაშვილი. მათ შეუერთდა ნინოწმინდის მერი, ანივარდ მოსოიანიც.
შეხვედრის მიზანი იყო კიდევ ერთხელ შეახსენოს მოსახლეობას COVID-19– ის საწინააღმდეგო ვაქცინაციის მნიშვნელობა, უპასუხონ მოსახლეობაში არსებულ კითხვებს. ამისთვის სამინისტროს თანამშრომლებმა მოსაზხლეობას გადასცეს საინფორმაციო ბუკლეტები სომხურ ენაზე, რომლებიც შეიცავს მოკლე პასუხებს კითხვებზე: რატომ არის საჭირო კორონავირუსის საწინააღმდეგო ვაქცინაცია, რატომ არის ამის საჭიროება, შესაძლებელია თუ არა ინფიცირება ვაქცინაციის შემდეგ და ვაქცინაცია უსაფრთხოა თუ არა?
სახელმწიფო მინისტრის მოადგილე მოსახლეობას ესაუბრა ინფორმირებულობის მნიშვნელობაზე, ამიტომ შეხვედრის ერთ -ერთი მიზანი იყო ინფორმაციის გავრცელება სომხურ ენაზე, სადაც სომეხი ეროვნული უმცირესობა კომპაქტურად ცხოვრობს.
”ჩვენი მთავარი მიზანია ვიმუშაოთ კორონავირუსის გავრცელების თავიდან ასაცილებლად ზოგადად და რეგიონებში მაქსიმალურად. ჩვენ ყველანი უნდა ავიცრათ “, – განაცხადა სახელმწიფო მინისტრის მოადგილე ლია გიგაურმა.
თავის მხრივ, რეგიონის გუბერნატორმა ბესიკ ამირანაშვილმა აღნიშნა, რომ ამ დროისთვის სამცხე-ჯავახეთში აქტიურად მიმდინარეობს ვაქცინაციის პროცესი, მიუხედავად ნელი ტემპისა, რაც გამოწვეულია ახალციხეში ახალგაზრდა მედდის გარდაცვალებით და მასთან დაკავშირებული შიშებით.
”უკვე 10 დღეა, თითქმის 2 კვირის განმავლობაში, ახალციხეში და რეგიონის სხვა მუნიციპალიტეტებში ძალიან სწრაფად გაიზარდა აცრის მსურველთა რიცხვი. იყო პრობლემები ჯავახეთში, ძალიან მცირე რაოდენობის განმცხადებელი გვყავდა. ქვეყანაში 25,000 -ზე მეტი ადამიანია აცრილი და ჩვენ არ გვაქვს, არც ერთი საშიში შემთხვევა, ან ანაფილაქსიური შოკი, ” – თქვა გუბერნატორმა.
შეხვედრის დაწყებამდე გუბერნატორმა და სამინისტროს წარმომადგენლებმა მოინახულეს ახალქალაქისა და ნინოწმინდის კლინიკები, სადაც ტარდება ვაქცინაცია. ანალოგიური საინფორმაციო შეხვედრები გაიმართება დღეს, ნინოწმინდის მუნიციპალიტეტის სოფელ განძასა და ფოკაში.
