ვაქცინაციის წახალისების მიზნით, Energo Pro Georgia- ს მენეჯმენტმა ლატარიის გათამაშება გადაწყვიტა, რომელშიც მხოლოდ კომპანიის ვაქცინირებულ თანამშრომლებს შეუძლიათ მონაწილეობა.
Energo Pro Georgia 1500 ლარიან 10 ვაუჩერს და ერთ 5000 ლარიან ვაუჩერს ათამაშებს.
ლატარია სამი დღის წინ გამოცხადდა და 15 ოქტომბერს დასრულდება. ლატარიაში მონაწილეობის მიღება შეეძლებათ მათ, ვინც კოვიდ-ვაქცინის მხოლოდ ერთი დოზა მიიღო.
დაავადებათა კონტროლის ეროვნული ცენტრის (NCDC) ხელმძღვანელმა, ამირან გამყრელიძემ მსგავსი ზომების მიღებისკენ დამქირავებლებს მოუწოდა, რათა ვაქცინაცია წაეხალისებინათ.
