22.04.2026
ნახვები: 44 |
ავტორი: Newsroom
სახელმწიფო ორგანოებში თანამდებობის პირთა მიერ ჩადენილი დანაშაულის დონე 2025 წელს, 2024 წელთან შედარებით, 37.76%-ით გაიზარდა. ამის შესახებ აღნიშნულია შინაგან საქმეთა სამინისტროს სტატისტიკაში. უწყების მიერ გამოქვეყნებული მონაცემები აჩვენებს, რომ საანგარიშო პერიოდში თითქმის ყველა სახის დანაშაულის რიცხვი გაიზარდა.
კერძოდ, შსს-ს მონაცემებით, 2025 წელს დაფიქსირდა სამსახურებრივი მდგომარეობის ბოროტად გამოყენების 332 შემთხვევა, 2024 წლის 241 შემთხვევასთან შედარებით.
შსს-ს ცნობით, 2025 წელს სამსახურებრივი დანაშაულების სტატისტიკა 2024 წელთან შედარებით შემდეგია:
- სამსახურებრივი მდგომარეობის ბოროტად გამოყენების შემთხვევების რაოდენობა გაიზარდა 205.26%-ით, დაფიქსირდა 58 შემთხვევა;
- სამსახურებრივი უფლებამოსილების გადამეტება გაიზარდა 3.73%-ით, დაფიქსირდა 139 შემთხვევა;
- ახსნა-განმარტების, ჩვენების ან დასკვნის მიცემის იძულება შემცირდა 81.25%-ით, დაფიქსირდა 3 შემთხვევა;
- სამეწარმეო საქმიანობაში უკანონო მონაწილეობა გაიზარდა 500%-ით, დაფიქსირდა 5 შემთხვევა;
- ქრთამის აღების შემთხვევების რაოდენობა გაიზარდა 150%-ით, დაფიქსირდა 30 შემთხვევა;
- ქრთამის მიცემის შემთხვევების რაოდენობა გაიზარდა 40%-ით, დაფიქსირდა 7 შემთხვევა;
- ნარკოტიკების უკანონო ბრუნვა — 2 შემთხვევა (იგივე რაოდენობა დაფიქსირდა 2024 წელსაც);
- თაღლითობა სახელმწიფო ორგანოებში — შემთხვევების რაოდენობა გაიზარდა 225%-ით, დაფიქსირდა 26 შემთხვევა;
- სამსახურებრივი გულგრილობის შემთხვევები გაიზარდა 31.11%-ით, დაფიქსირდა 59 შემთხვევა;
სპეციალური პენიტენციური სამსახურის მოსამსახურის ან მასთან გათანაბრებული პირის მიერ დადგენილი წესის დარღვევის შემთხვევები გაიზარდა 100%-ით, დაფიქსირდა 1 შემთხვევა.
