წალკის გავლით თბილისში გამგზავრება შესაძლებელია, თუმცა არა ყველა სატრანსპორტო საშუალებისთვის.
ფარავნის უღელტეხილის მონაკვეთი დაკეტილია დიდი ტვირთამწეობის მქონე ავტომანქანებისთვის. საავტომობილო გზების დეპარტამენტის მონაცემებით, რთული მეტეოროლოგიური პირობების გამო, კოდა–ფარცხისი–მანგლისი–წალკა–ნინოწმინდის შიდასახელმწიფოებრივი მნიშვნელობის ავტომოგზის 94-110 კილომეტრზე აკრძალულია მისაბმელიანი, ნახევრადმისაბმელიანი ავტომანქანებისა და 30 ადგილზე მეტი ტევადობის ავტობუსების მოძრაობა.
სხვა სახის ტრანსპორტისთვის მოძრაობა თავისუფალია.
