უეფა განიხილავს საქართველოს ნაკრების დაჯარიმებას და ერთი საშინაო მატჩის მაყურებლების გარეშე ჩატარებას, – გვაცნობებს La Gazzetta Georgia.
გამოცემის ინფორმაციით, ინციდენტი მოხდა ერთა ლიგის საპასუხო მატჩის დროს სომხეთის ნაკრების წინააღმდეგ „დინამო არენაზე“, როდესაც თამაშის შემდეგ გულშემატკივრები მოედანზე შეიჭრნენ.
საქართველოს ნაკრები მსოფლიო ჩემპიონატის საკვალიფიკაციო ეტაპის პირველ ოფიციალურ მატჩს თურქეთის წინააღმდეგ 4 სექტემბერს გამართავს და ამ შეხვედრაზე მაყურებლების არყოფნა უდიდეს დანაკლისს მოუტანს.
უეფას ჯერჯერობით ოფიციალურად არ გამოუცხადებია თავისი გადაწყვეტილება.
