დაავადებათა კონტროლისა და პრევენციის ეროვნული ცენტრის მონაცემების თანახმად, ბოლო დღე-ღამის განმავლობაში სომხეთში კორონავირუსის შემთხვევები 718-ით გაიზარდა და 54,473 შეადგინა.
ცენტრის ოფიციალურ ვებგვერდზე განთავსებული სტატისტიკური მონაცემების თანახმად, 8 ოქტომბერს 11:00 საათისთვის, გამოჯანმრთელებული პაციენტების რაოდენობა 202-ით გაიზარდა და ახლა 45 312 შეადგინა.
დაავადებათა კონტროლისა და პრევენციის ეროვნული ცენტრის მონაცემებით, ბოლო ერთი დღე-ღამის განმავლობაში, სომხეთში, COVID-19– ით კიდევ 9 ადამიანი გარდაიცვალა. ამრიგად, ეპიდემიის დასაწყისიდან COVID-19–გან გარდაცვლილი პაციენტების საერთო რაოდენობა 1 004-მდე გაიზარდა.
სომხეთის ჯანდაცვის სამინისტროს ცნობით, ეპიდემიის დაწყებიდან COVID-19-ით დაავადებული 302 პაციენტი “სხვა მიზეზების გამო” გარდაიცვალა.
აღსანიშნავია, რომ ამ დროისთვის სომხეთში კორონავირუსზე მკურნალობას 7855 პაციენტი გადის, ხოლო ჩატარებული ტესტების საერთო რაოდენობა 316 479 (დღე-ღამეში 3656) შეადგენს.
