24 საათის განმავლობაში საქართველოში კორონა ვირუსული ინფექციის შემთხვევების რაოდენობა 5-ით გაიზარდა და 893 შეადგინა. ამის შესახებ ინფორმაცია შეგიძლიათ იხილოთ მთავრობის მიერ შექმნილ სპეციალურ ვებგვერდზე stopcov.ge.
ამ დროისათვის საქართველოში 731 ადამიანია გამოჯანმრთელებული.
საკარანტინო რეჟიმში 2710 ადამიანია, ხოლო ზედამხედველ საავადმყოფოში – 267 ადამიანი.
საქართველოში კორონა ვირუსის შედეგად 14 ადამიანი გარდაიცვალა.
ამასთან, საქართველოს 3 მოქალაქე უცხოეთიდან სამკურნალოდ გადმოიყვანეს.
