წელს, 4 ოქტომბერს, მუნიციპალიტეტები ადგილობრივ თვითმმართველობებს, დეპუტატებსა და მერებს აირჩევენ. საქართველოში არსებული დაძაბული შიდაპოლიტიკური ვითარებიდან გამომდინარე, არჩევნების მოახლოება ჯერ არ იგრძნობა. ახალქალაქში, როგორც წესი, მმართველი პარტია იწყებს არჩევნებისთვის მზადებას, შემდეგ კი არჩევნების წინა დღეს ოპოზიციური პარტიები აქტიურდებიან, მაგრამ წელს არჩევნებისთვის მზადების პირველი აქტივობები გახარიას „საქართველოსთვის“ პარტიის მხრიდან იგრძნობა.
ბოლო ადგილობრივი თვითმმართველობის არჩევნები საქართველოში 2021 წელს გაიმართა. 2025 საარჩევნო წელი დაიწყო პოლიტიკური დაძაბულობის ატმოსფეროში: ოპოზიცია და საზოგადოების მნიშვნელოვანი ნაწილი არ ცნობს 2024 წლის საპარლამენტო არჩევნების შედეგებს და 28 ნოემბრიდან ყოველდღე იმართება საპროტესტო აქციები, რომლის ერთ-ერთი მოთხოვნა — ხელახალი არჩევნები. ასეთ პირობებში განსაკუთრებით მნიშვნელოვანი ხდება 2025 წლის ადგილობრივი არჩევნები. 2024 წლის საპარლამენტო არჩევნების ცენტრალური საარჩევნო კომისიის შედეგების მიხედვით, „ქართულმა ოცნებამ“ თბილისში, რუსთავში, ქუთაისში, ბათუმსა და წალენჯიხაში ხმების 50% ვერ დააგროვა, რაც ამ ქალაქებში მუნიციპალურ არჩევნებში მისი დამარცხების ალბათობას ზრდის.
ოპოზიციას 2025 წლის ადგილობრივი თვითმმართველობის არჩევნებისთვის მოსამზადებლად აქამდე არანაირი ხელშესახები სამუშაო არ გაუკეთებია, განსაკუთრებით ჯავახეთში, თუმცა გახარიას „საქართველოსთვის“ პარტიის წარმომადგენელი სამცხე-ჯავახეთში თანამოაზროვნეებისა და მომუშავეების მოსაძებნად ახალქალაქსა და ნინოწმინდაში აქტიურად მუშაობს.
„რა თქმა უნდა, ახალი არჩევნებისთვის მზადება არჩევნების მეორე დღეს უნდა დაიწყოს. რაც შეეხება ბოლო არჩევნებს, მოგეხსენებათ, ჩვენ არ ვაღიარებთ ამ არჩევნებს. იმედი გვაქვს, რომ ახალი საპარლამენტო არჩევნები იქნება და სხვა პირობებში ჩატარდება, უფრო სამართლიანად, სადაც მმართველი პარტიის მხრიდან ასეთი ზეწოლა არ იქნება. ვიმედოვნებთ, რომ ახალი საპარლამენტო და ადგილობრივი არჩევნები უფრო თავისუფალ გარემოში ჩატარდება. იცით, არა მხოლოდ უფრო თავისუფალი, არამედ შიშის გარეშეც. ეს ძალიან მნიშვნელოვანია, რადგან ადამიანებს ეშინიათ ისაუბრონ იმ საჭიროებებზე, რაც მათ აქვთ“, – ამბობს სოფიკო ხორგუანი, პარტიის რეგიონული წარმომადგენელი სამცხე-ჯავახეთში.
მისი აზრით, მომავალ არჩევნებზე ადმინისტრაციული რესურსის მმართველი პარტიის არასასარგებლოდ გამოყენებაზე გავლენას მოახდენს ბოლო ცვლილებებიც, რომ მუნიციპალიტეტის ყველა თანამშრომელი იმუშავებს ხელშეკრულებით.
„ბოლო ე.წ. კანონპროექტები და ცვლილებები იმ ადამიანებსაც კი შეეხო, ვინც თავს ყველაზე დაცულად გრძნობდა. ჩვენს სახელმწიფო მსახურებს. ნორმალური კანონი გვქონდა, და ყველამ ვიცოდით, რომ ჩვენი სახელმწიფო მსახურები ტრენინგებს გადიოდნენ, ძირითადი კანონები შეისწავლეს, ისწავლეს როგორ უნდა მართონ და მიიღონ გადაწყვეტილება. ბიუროკრატიის წინააღმდეგ ბრძოლა დაიწყეს, რაც ჩვენთან არსებობდა. ახლა ეს ადამიანები აბსოლუტურად დაუცველები არიან. ეგრეთწოდებული ხელისუფლება, მმართველი პარტია, ფიქრობდა, რომ ამ შიშით უფრო მეტ ხანს შეაყოვნებენ, სახელმწიფო მსახურების დიდ არმიას. შემიძლია გითხრათ, რომ ამან პირიქით იმოქმედა. რადგან ეს ადამიანები თავს დაუცველად გრძნობენ, იციან, რომ კანონდამცველებიც რომ იყვნენ, თუკი ვინმეს არ მოეწონებიან, სამსახურდან გაათავისუფლებენ. ამიტომ ეს მმართველი პარტიის წინააღმდეგ მუშაობს“.
პარტია „საქართველოსთვის“ უკვე აგროვებს გუნდს რეგიონებში, მათ აქვთ გარკვეული პირობები და კრიტერიუმები.
„ეს არის ჩვენი პოზიცია თანამედროვე ქვეყნისთვის, თანამედროვე სახელმწიფოსთვის, ძალიან მნიშვნელოვანია, რომ ადგილობრივი ხელისუფლება და თვითმმართველობა იყოს ძლიერი და დამოუკიდებელი.ამიტომ, ყველაზე მნიშვნელოვანი ის არის, რომ ესენი იყვნენ ადამიანები, რომლებიც პასუხისმგებლობის აღებას შეძელებენ, რეგიონის მმართვის მზადყოფნა ექნებათ. ამიტომ, რა თქმა უნდა, ჩვენ ვეძებთ ადამიანებს, პატიოსან ადამიანებს, მოწესრიგებულ ადამიანებს, რომლებმაც იციან თავიანთი საქმე, რომლებსაც უყვართ თავიანთი რეგიონი და ქვეყანა. სიყვარულის გარეშე არაფერი გამოვა. მათ თავიანთი საქმე, ქალაქი და ხალხი უნდა უყვარდეთ. ჩვენ, რა თქმა უნდა, ასეთ ადამიანებს ვეძებთ. ასევე გარანტიას გაძლევთ, რომ ყოველი პირველი ან ყოველი მეორე, აუცილებლად მდედრობითი სქესის იქნება. ეს ჩვენი გადაწყვეტილებაა. ჩვენ ვიწვევთ ქალებს. ვიმედოვნებთ, რომ ქალებიც იაქტიურებენ და პოლიტიკაში შევლენ“,- ამბობს პარტია გახარია „საქართველოსთვის“ წარმომადგენელი.
