უკვე მეორე დღეა ახალქალაქში, რეფერალური საავადმყოფოს ეზოში, ქალთა დაავადებების უფასო დიაგნოსტიკა მიმდინარეობს.
ახალქალაქში „ქალთა ჯანდაცვის სერვისების გაზრდილი ხელმისაწვდომობის უზრუნველყოფა და ხელშეწყობა“ პრორქტის მეორე ეტაპი დაიწყო, რომელიც 25-70 წლის ასაკის ქალთა მომსახურების მიწოდებას და სხვადასხვა კვლევებს მოიცავს.
პროექტს ახორციელებენ არასამთავრობო ორგანიზაციები „სამოქალაქო თანასწორობის პლატფორმა“ და „I Generation“. ამ პროექტის ფარგლებში გათვალისწინებული იყო პირველ ეტაპზე საინფორმაციო შეხვედრების ჩატარება, ხოლო მეორე ეტაპზე ქალების გამოკვლევა ძუძუს კიბოზე, ფარისებრი ჯირკვლის გამოკვლევა, PAP ტესტი (საშვილოსნოს ყელის კიბოს დიაგნოსტიკის მეთოდი. ტესტს შეუძლია დაავადების გამოვლენა კლინიკური სიმპტომების გამოვლენამდე: კიბო ვითარდება 10-15 წლის განმავლობაში და წინ უძღვის განსაკუთრებული მდგომარეობა – საშვილოსნოს ყელის დისპლაზია – რედ.).
პროექტი „ქალთა ჯანდაცვის სერვისებზე ხელმისაწვდომობის გაზრდის უზრუნველყოფა და პროპაგანდა“ ხორციელდება სამცხე-ჯავახეთში, კონკრეტულად ახალციხეში, ახალქალაქსა და ნინოწმინდაში. ამ დროისთვის ახალქალაქის რეფერალურ ჰოსპიტალში განთავსებულია სახელმწიფო მობილური სკრინინგ-ცენტრი, რომელიც უზრუნველყოფს სამედიცინო მომსახურებას, როგორიცაა მამოგრაფია, სარძევე ჯირკვლის ექოსკოპია, მამოლოგის კონსულტაცია, გინეკოლოგის კონსულტაცია და პაპ ტესტი. ფარისებრი ჯირკვლის გამოკვლევა ამ ორი დღის განმავლობაში უფასო სერვისების სიიდან ამოიღეს. თუმცა, აღსანიშნავია, რომ სახელმწიფო პროგრამის მიხედვით, ქალებს შეუძლიათ ამ სერვისით სარგებლობა უფასოდ, ოღონდ თბილისის სკრინინგ-ცენტრებში.
თბილისელმა სპეციალისტებმა დიაგნოზის დადგენის მხოლოდ პირველ დღეს, 24 აპრილს, მამოგრაფიით 87 ქალი გამოიკვლიეს და სხვადასხვა ასაკის 70 ქალს PAP ტესტი ჩაუტარეს.
პროექტი „ქალთა ჯანდაცვის სერვისებზე გაფართოებული ხელმისაწვდომობის უზრუნველყოფა და პროპაგანდა“ ხორციელდება USAID-ის „ერთობა მრავალფეროვნებაში“ პროგრამის ფარგლებში, რომელსაც საქართველოს გაეროს ასოციაცია, აშშ-ს საერთაშორისო საქმეთა სააგენტოს ფინანსური მხარდაჭერით ახორციელებს.
აღნიშნული პროგრამა უკვე 2 წელია ქვემო ქართლის რეგიონში მოქმედებს, რომლის ფარგლებშიც 1500 ქალმა მიიღო ინფორმაცია და 500-ზე მეტმა ქალმა მიიღო სკრინინგის სერვისი. პირველ წელს გამოიკვლია 400-ზე მეტი ქალი, საიდანაც 38 ქალს დაუდგინდა საშვილოსნოს ყელის პრობლემები, სხვადასხვა პათოლოგიები და სხვადასხვა დონის კიბო, ხოლო 8 ქალს დაუდგინდა სარძევე ჯირკვლის კიბო – მათგან 4 უსიმპტომო, მე-4 სტადია. 2023 წელს დაახლოებით 120 ქალი გამოიკვლია და 10%-ს დაუდგინდა სხვადასხვა სირთულის ჯანმრთელობის პრობლემები.
