2023 წლის ივნისში ქვეყანაში შემოსული ფულადი გზავნილების ნაკადების მოცულობამ 353.2 მლნ აშშ დოლარი (924.5 მლნ ლარი) შეადგინა. ეროვნული ბანკის თანახმად, წინა წელთან შედარებით გზავნილების მოცულობა 17.4%-ით არის შემცირებული. კლების უმთავრესი მიზეზი რუსეთის ფედერაციიდან გზავნილების 44%-ით შემცირება იყო, ხოლო სხვა ქვეყნებიდან ფულადი ნაკადების მოცულობა გაზრდილია. მათ შორის მატებაა აშშ-დან, იტალიიდან, საბერძნეთიდან და სხვა ქვეყნებიდან შემოსულ გზავნილებში.
ქვეყნების რეიტინგი ივნისის თვის ფულადი გზავნილების მიხედვით:
1) რუსეთის ფედერაცია – 129 მილიონი დოლარი, კლება წინა წელთან -44%
2) იტალია – 43 მილიონი დოლარი, მატება წინა წელთან 21%
3) აშშ – 39 მილიონი დოლარი, მატება წინა წელთან 40%
4) საბერძნეთი – 20 მილიონი დოლარი, მატება წინა წელთან 8%
5) გერმანია – 20 მილიონი დოლარი, მატება წინა წელთან 45%
6) ისრაელი – 19 მილიონი დოლარი, მატება წინა წელთან 15%
7) ყაზახეთი – 17 მილიონი დოლარი, კლება წინა წელთან -1%
8) თურქეთი – 11 მილიონი დოლარი, მატება წინა წელთან 26%
9) ესპანეთი – 5.2 მილიონი დოლარი, მატება წინა წელთან 8%
10) საფრანგეთი – 4.8 მილიონი დოლარი, მატება წინა წელთან 28%
2023 წლის ივნისში საქართველოდან საზღვარგარეთ 28.8 მლნ აშშ დოლარი (75.5 მლნ ლარი) გადაიგზავნა, რაც 2022 წლის ივნისის (29.6 მლნ აშშ დოლარი) ანალოგიურ მაჩვენებელთან შედარებით 2.5%-ით ნაკლებია.
