უკვე ორი კვირაა ახალქალაქის სერვისცენტრის თანამშრომლები ახალქალაქი-კარწახის სახელმწიფო მაგისტრალის გზისპირად ნაგავს ასუფთავებენ, რომელსაც საავტომობილო გზების დეპარტამენტი ემსახურება. მუშაობა ახალქალაქის მუნიციპალიტეტის ადგილობრივი თვითმმართველობის ორგანოების გადაწყვეტილებით და დაფინანსებით მიმდინარეობს. ამ დროისთვის დაახლოებით 213 კუბ/მ ნაგავია შეგროვებული.4 აპრილი მეთორმეტე დღეა, რაც ახალქალაქის სერვისცენტრის 15 თანამშრომელი ახალქალაქი-კარწახის საერთაშორისო გზის ორივე მხარეს ნაგავს აგროვებს, რომელიც თითქმის ერთი წლის განმავლობაში გროვდებოდა თურქეთში ან უკან მომავალი სატვირთო მანქანების ნაკადის გაზრდის გამო.
ყოველდღიურად, ახალქალაქის სერვისცენტრის დირექტორის რსტაკიან მხითარის თქმით, ერთნახევარ-ორ სანაგვე მანქანას აგროვებენ. ერთი აპარატის მოცულობა 17 კუბური მეტრია.
„დღეს სოფლის ტერიტორია გავწმინდეთ და უკვე კარწახიდან გავედით, კარწახის საბაჟომდე 4 კმ დარჩა, რისთვისაც ალბათ 3-4 დღე დაგვჭირდება, რომ საბოლოოდ გავასუფტავოთ. ნაგავს ვაგროვებთ გზის ნაპირებიდან, ტყეებიდან და მთელი მიმდებარე ტერიტორიიდან. განსაკუთრებით დაბინძურებულია საბაჟოს ადგილი“, – განმარტა რსტაკიან მხითარმა.
სერვისცენტრის თანამშრომლებმა დასუფთავება სოფელ ვაჩიანიდან დაიწყეს.
გზის ნაგვით დაბინძურება მაშინ დაიწყო, როდესაც 2022 წლის აპრილ-მაისში ამ გზაზე სატვირთო მიმოსვლა მკვეთრად გაიზარდა. სატვირთო მანქანები დღეების განმავლობაში იდგნენ რიგში და ტერიტორიას საყოფაცხოვრებო ნარჩენებით აბინძურებდნენ.
ახალქალაქი-კარწახის გზისპირი ნაგავსაყრელად გადაიქცა
ნაგავი ახალქალაქი-კარწახის გზაზე
ახალქალაქი-კარწახის გზის მოვლა-პატრონობა ადგილობრივი ხელისუფლების პასუხისმგებლობა არ არის. საავტომობილო გზების დეპარტამენტის დაკვეთით მას შპს “ჯავახ ავტო გზა” ემსახურება. Jnews-ი არაერთხელ დაუკავშირდა კომპანიას, რათა გაერკვია, თუ რა ზომებს მიიღებდა კომპანია დასუფთავებისთვის. პასუხი კი ერთი იყო: ტერიტორიის ნარჩენებისგან გაწმენდა მათ პასუხისმგებლობაში არ შედიოდა.
ახალქალაქის მუნიციპალიტეტის მერის მოადგილე მკრტიჩ მღდესიანი ამბობს, რომ გზატკეცილი მათი გადაწყვეტილებით გაწმინდეს და შემდგომი კონტროლი და მოვლა მათი საქმე აღარ არის.
„ჩვენი რაიონისთვის რისი გაკეთებაც შეგვიძლია, ვაკეთებთ, მაგრამ ყველაფერს ვერ გავაკონტროლებთ, რადგან ასეთი უფლებამოსილებები არ გვაქვს. სისუფთავის შენარჩუნებაზე ვინ იზრუნებს, არ ვიცით. სანამ ბალახი წამოიზრდებოდა, გაწმენდა გადავწყვიტეთ, რადგან შემდეგ საქმე არ გართულებულიყო“.
