გაერთიანება „ზორი ზორიანის“ და “ჯავახეთის ახალგაზრდული კავშირის” ინიციატივით, ახალქალაქის სურბ ხაჩის ეკლესიის ეზოში ყარაბაღისა და ყარაბაღელი სომხების მხარდასაჭერად აქცია გაიმართება.
„უკვე 100 დღეა აზერბაიჯანის ცრუ ეკოლოგების გამო არცახი (მთიანი ყარაბაღი) ბლოკადაშია. 100 დღეა, რაც არცახის სომხეთთან დამაკავშირებელი ერთადერთი გზა, რომელსაც სასიცოცხლო მნიშვნელობა აქვს, ლაჩინის დერეფანი ჩაკეტილია. მსოფლიოს სხვადასხვა ქვეყანაში შეკრებები არცახისა და არცახელი სომხების მხარდასაჭერად იმართება. ჯავახეთში არცახის 100-დღიანი ბლოკადის საწინააღმდეგო აქცია გაიმართება. მივმართავთ ჯავახეთის სომხებს, მიიღონ მონაწილეობა მხარდამწერ აქციაში, რომელიც 21 მარტს 15:00 საათზე ახალქალაქის სურბ ხაჩის ეკლესიის ეზოში გაიმართება“, – ნათქვამია განცხადებაში, რომელსაც „ზორი ზორიანის გაერთიანება“ და „ჯავახეთის ახალგაზრდული კავშირი“ ავრცელებს.
12 დეკემბერს ეკოლოგიური პრობლემების გამო სამოქალაქო ტანსაცმელში გამოწყობილმა აზერბაიჯანელთა ჯგუფმა სტეფანაკერტი-გორისის საავტომობილო გზა შუში-კარინ ტაკის კვეთაზე გადაკეტა, რომელიც ყარაბაღს სომხეთთან აკავშირებს. 13 დეკემბერს აზერბაიჯანმა მთიან ყარაბაღს გაზის მიწოდება შეუჩერა, თუმცა მდგომარეობა 16 დეკემბერს გამოსწორდა, რის შემდეგაც გაზი რეგულარულად ირთვება და ითიშება. ყარაბაღში 10 იანვრიდან ქარისებრი გამორთვა მიმდინარეობს, გორის-სტეფანაკერტის ერთადერთი მაღალი ძაბვის ხაზის 33-ე კმ-ზე მომხდარი შემთხვევის ლიკვიდირება ვერ ხერხდება. პროდუქტებიც ტალონებით იყიდება.
