რუსეთში გამოცხადებული ნაწილობრივი მობილიზაციის შემდეგ, ზემო ლარსი კოშმარად იქცა იმ ადამიანებისთვის, რომლებმაც მობილიზაციის თავიდან აცილება გადაწყვიტეს – როგორ კვეთს ხალხი ამ საზღვარს ახლა, მას შემდეგ, რაც გავრცელდა ინფორმაცია, რომ ზემო ლარსის საგუშაგოზე სიტუაცია გარკვეულწილად გამოსწორდა, როგორ აღწევს ხალხი ახალქალაქში.ჩვენი თანამოსაუბრე, რომლის სახელს Jnews-ი არ ამხელს რესპონდენტისთვის პრობლემების თავიდან ასაცილებლად, სამი არასრულწლოვანი შვილის მამაა. ის ლარსში დონის როსტოვიდან ჩავიდა. ორდღიანი ხანგრძლივი და დამქანცველი მოგზაურობის შემდეგ ახალქალაქში ჩამოვიდა.
“ლარსზე ბევრი ხალხი იყო. 15 კილომეტრიანი რიგი იყო. წყალიც და საკვებიც ცოტა იყო. 15 კმ-ზე 2 მაღაზია შეგვხდა. ეს 15 კმ მხოლოდ მცირედი ნაწილია. ყველაფერი ნელა ვითარდება. წყალს მთის ნაკადულებიდან აგროვებდნენ, მოსახლეობამ გვიჩვენა ადგილები, სადაც ეს სასმელის აღება შეგვეძლო. ვიღაცამ მდინარიდან სცადა ამოღება, დალია და მოიწამლა, რადგან მდინარის ზემოთ ტანსაცმელს რეცხავენ და ბუნებრივ საჭიროებებს იკმაყოფილებენ“, – ჰყვება ის.
15 კილომეტრიანი რიგი სოფელ ჩმიში, ზემო და ქვემო ლარსში გადიოდა. ჩვენი რესპონდენტი ადგილობრივი შემოვლითი გზებით, მთებითა და ხეობებით, საზღვრამდე მოტოციკლით გადაიყვანეს. შემოვლითი გზა 8 კმ იყო, რისთვისაც 5000 რუბლი, ბარგით 7000 რუბლი მოსთხოვეს. მთავარ რიგთან მისვლამდე ავტობუსი ჩვენს რესპონდენტთან ერთად კიდევ ერთი დღე გააჩერეს ვლადიკავკაზთან.
„ჩვენ შემდეგ ამ რეგიონიდან მხოლოდ ორი ავტობუსი გავიდა და ამბობენ, რომ თითოეულმა 50 000 რუბლი გადაიხადა. რუსეთის მხარეს ყველა რეგიონის საზღვარზე საგუშაგოები დაბლოკილია, რადგან, როგორც ამბობენ, კიდევ უფრო მეტი საცობები არ შეიქმნას. მაგრამ ზემო ლარსთან მდგომთათვის ეს გამარტივდა. ფეხით მოსიარულეებს, რომლებსაც არ სურდათ მანქანით გასვლა, აღარ აძლევდნენ უფლებას საზღვარი გადაეკვეთათ; ველოსიპედითაც აღარ უშვებდნენ. ამანაც შექმნა პრობლემები – რადგან საგუშაგოებზე ხალხს არ უშვებდნენ, ფულის სანაცვლოდ გადაჰყავდათ მანქანები, 1000-1500 რუბლი ერთი ადამიანი. გამშვები პუნქტიდან კი მანქნებიდან ჩამოდიოდნენ“, – ჰყვება ის.
ზემო ლარსის გამშვებ პუნქტთან ამ დროისთვის კილომეტრიანი რიგები აღარ არის. ჩმის დასახლებასთან საგუშაგოა, სადაც მობილიზაციაზე ამოწმებენ. ადგილობრივებს მოწვევა, ხოლო რუსეთის ფედერაციის მოქალაქეებს სხვა რეგიონებიდან სამხედრო აღრიცხვასა და ოფისში რეგისტრაციასთან დაკავშრებული ქაღალდი ეძლევათ. ვისაც ასეთი დოკუმენტები გადასცეს, საზღვარზე არ უშვებენ, სამობილიზაციო სიებიდან ყველას უკან აბრუნებენ.
