ჯერ კიდევ 2016 წელს დაიწყო მე-10 საუკუნის კუმურდოს ტაძრის როგორც მას ადგილობრივები უწოდებენ, სურბ ჰამბარძუმის ეკლესიას სარესტავრაციო სამუშაოები. სარემონტო სამუშაოების დასაწყისში JNEWS-ს უთხრეს, რომ სამუშაოები 3 წელი გაგრძელდებოდა, თუმცა 2018 წელს საბოლოო ციფრად 2021 წელი დასახელდა, ანუ არა 3, არამედ 5 წელი. მაგრამ როგორც ხედავთ, ტაძრის რესტავრაცია 2021 წელს არ დასრულებულა და რადგან ჯერ კიდევ ბევრია სამუშაო, ის არც 2022 წელს დასრულდება.
მიმდინარე წელს სარემონტო სამუშაოები ივნისში განახლდა, სამუშაოები შპს “არქიტექსის” თანამშრომლებმა გააგრძელეს.
„მუშაობა დავიწყეთ ივნისში, წელს ვგეგმავთ წინა ჭიშკრის ჩაკეტვას და ჭიშკრიდან სახურავზე მარჯვნივ მდებარე ნაწილის შეკეთებას. თუ ამინდის პირობები ხელს არ შეგვიშლის, ამ სამუშაოებისთვის ერთი-ორი თვე დაგვჭირდება“, – ამბობს არქიტექტორი ბესო გოლბაია.
მან ასევე აღნიშნა, რომ გუმბათის საკითხი ახლა მოგვარებულია, ჯერ არ არის გადაწყვეტილი რისგან უნდა გაკეთდეს. იქნება ეს დროებითი საფარი თუ ქვის ნაგებობა, ეს საკითხი თბილისში გამართულ შეხვედრაზე გადაწყდება.
ახლა ტაძრის რეკონსტრუქციაში 9 ადამიანია ჩართული, მათგან 4 ადგილობრივია.
შეგახსენებთ, რომ ტაძრის რემონტი საქართველოს კულტურული მემკვიდრეობის დაცვის ეროვნული სააგენტოსა და ფონდ „ქართუს“ ხარჯებით ხორციელდება. კუმურდოს ტაძრის რესტავრაციისთვის ფონდმა „ქართუმ“ დაახლოებით 3 000 000 ლარი გამოყო.
კუმურდოს საკათედრო ტაძარი აშენდა მე-10 საუკუნეში.
ჯერ კიდევ ივნისში JNEWS-მა საქართველოს კულტურული მემკვიდრეობის დაცვის ეროვნულ სააგენტოში განაცხადი წარადგინა, რათა გაერკვია, რა ეტაპზეა აღდგენითი სამუშაოები და როდის დასრულდება. თუმცა ჩვენს მოთხოვნას სააგენტოში ჯერ არ უპასუხეს, JNEWS-ი დღეს კიდევ ერთხელ დაუკავშირდა სააგენტოს და ელოდება პასუხს.
