რამდენიმე დღეში ახალქალაქში, ისევე, როგორც დანარჩენ საქართველოსა და სომხეთში, მომხმარებლებმა უამრავი აუცილებელი პროდუქტი იყიდეს. პანიკა ჩაცხრა, სურსათზე მაღალი ფასები დარჩა, ზოგან დაიკლო კიდეც.

ახალქალაქის საცალო ვაჭრობის მაღაზიებში აცხადებენ, რომ პანიკის გამო ზოგიერთი აუცილებელი პროდუქტი, როგორიცაა შაქარი, თაროებიდან გაქრა. ახალქალაქში მომხმარებელთა შორის პანიკის პიკი 9-11 მარტს იყო, როდესაც მოსახლეობამ საკვები საბითუმოდ შეიძინა. თუმცა, პანიკის შემდეგ, როცა თქვეს, რომ შაქრის დეფიციტი იქნებოდა, ხალხმა 50 კგ-იანი ტომარა 175 და მეტ ლარად იყიდა, იგივე ტომრის ყიდვა ახლა 160 ლარად არის შესაძლებელი. ძირითადად, პროდუქციის უმეტესობაზე ფასებმა უკვე მოიმატა.

მაღაზიებში არის ყველა პროდუქტი, მათ შორის ზეითუნის ზეთი, რომელიც ომის გამო დეფიციტში იყო. ქვეყნის ხელისუფლებამ არაერთხელ განაცხადა, რომ ქვეყანაში საკვების დეფიციტი არ არის მოსალოდნელი. თუმცა, იქნება თუ არა შემდგომი გაძვირება, პროგნოზირება ჯერჯერობით შეუძლებელია.

ადგილობრივ მაღაზიებში აცხადებენ, რომ პროდუქციის ფასი იზრდება არა ადგილობრივი გამყიდველების სურვილის გამო, არამედ იმიტომ, რომ დისტრიბუტორებს პროდუქცია გაძვირებულ ფასებში მოაქვთ.