დღეს ახალქალაქის ახალგაზრდულ კულტურულ-საგანმანათლებლო ცენტრში იესო ქრისტეს სასწაულებრივი აღდგომა – წმინდა აღდგომა აღინიშნა. ეს მშვენიერი საგაზაფხულო დღესასწაული მნიშვნელოვანი მისიის სიმბოლოა, რომლის საშუალებითაც პატივი მიეგება ისეთ ღირებულებებს, როგორიცაა განშორება, ცოდვების მიტევება და ღმერთთან დაბრუნება.
ღონისძიებას ესწრებოდნენ ახალქალაქის სურბ ხაჩ ეკლესიის სულიერი წინამძღვარი, მღვდელი ტერ ნარეკ ტიგრანიანი, ახალქალაქის ადგილობრივი ისტორიის მუზეუმის დირექტორი, სედა ამბარიანი, პედაგოგები, მშობლები და სხვები.
ღია გაკვეთილი ლოცვით “მამაო ჩვენო” დაიწყო. შემდეგ, ცენტრის დირექტორმა, კარინე თადევოსიანმა ისაუბრა სომხურ კულტურაზე, საეკლესიო დღესასწაულებზე, ხაზი გაუსვა ეროვნული რიტუალების შენარჩუნების მნიშვნელობას და თაობებში ამ რიტუალების დანერგვის როლს.
ახალგაზრდული ცენტრის აღსაზრდელებმა პედაგოგების დახმარებით მოამზადეს ლამაზად გაფორმებული მაგიდები: სხვადასხვა სააღდგომო ნაქსოვი ნაკეთობები, ხელნაკეთი ნაქსოვი კვერცხები. დარბაზში სადღესასწაულო ატმოსფერო სუფევდა.
ერთ-ერთმა აღმზრდელმა, თათევ ხოცანიანმა აღდგომის მნიშვნელობაზე ისაუბრა, შემდეგ კი ბავშვებმა საეკლესიო გალობით სიცოცხლის ხე მორთეს. თითოეული მოსწავლე დღესასწაულისთვის განსაკუთრებულად მოემზადა, მაგრამ გზავნილი ყველას ერთნაირი ჰქონდა: ყოველთვის და ყველასთან ღვთის მფარველობა და კურთხევა ყოფილიყოს.
ასევე ისაუბრა სომხეთის ისტორიის წრის პასუხისმგებელმა, ვაჩაგან რსტაკიანმა. ღია გაკვეთილის ბოლოს, მღვდელმა, ტერ ნარეკმა განსაკუთრებული მადლობა გადაუხადა ცენტრის მოსწავლეებს აღდგომის მნიშვნელობის მშვენიერი და გულწრფელი წარმოდგენისთვის.
სომხეთის სამოციქულო ეკლესიამ იესო ქრისტეს სასწაულებრივი აღდგომის დღესასწაული მიმდინარე წლის 4 აპრილს აღნიშნა.
