საქართველოს სტატისტიკის ეროვნული სამსახურის მონაცემებით, 2025 წლის ივლისში სისხლის სამართლის საქმე აღიძრა 2456 პირის მიმართ. მათგან 143-მა პირობითი სასჯელის ვადის გასვლამდე ჩაიდინა დანაშაული, რაც აღძრული სისხლის სამართლის საქმეების საერთო რაოდენობის 5.8%-ს შეადგენს.
საქართველოს სტატისტიკის ეროვნული სამსახურის მონაცემებით, მიმდინარე წლის ივლისში სისხლის სამართლის საქმეების ყველაზე მაღალი მაჩვენებელი დაფიქსირდა თბილისში -816 შემთხვევა, აჭარაში — 343 შემთხვევა, ხოლო აფხაზეთის ოკუპირებულ რეგიონში -11 შემთხვევა.
სისხლის სამართლის კოდექსის ცალკეული მუხლებით აღძრული სისხლის სამართლის საქმეების დონე 2025 წლის ივლისში ასე გადანაწილდა: ქურდობა – 299 შემთხვევა; მუქარა – 249; ოჯახური ძალადობა – 232; ძალადობა -270; გაუპატიურება – 10; გარყვნილი ქმედება – 8; თაღლითობა – 130. ნარკოტიკული საშუალებების, მათი ანალოგების, პრეკურსორების ან ახალი ფსიქოაქტიური ნივთიერებების უკანონო შეძენა-შენახვა – 592 შემთხვევა. ნარკოტიკის შემცველი მცენარეების უკანონო დათესვა, მოყვანა ან კულტივირება – 167 შემთხვევა. ყალბი დოკუმენტების დამზადება -110 შემთხვევა.
გარდა ამისა, საქართველოს სტატისტიკის ეროვნული სამსახურის მონაცემებით, მიმდინარე წლის ივლისში გამოვლინდა დამამძიმებელ გარემოებაში განზრახ მკვლელობის ოთხი და მკვლელობის მცდელობის ცხრა შემთხვევა.
