სოფელ კარწახში მდებარე წმინდა ოვანეს კარაპეტის ეკლესია უიმედო მდგომარეობაშია. ის ორწელიწადნახევარია მრევლისთვის დაკეტილი იყო, ამის მიზეზი სახურავია, რომელიც ორი რემონტის შემდეგ ისევ ჟონავს.
Jnews-ის სტუმრობისას ეკლესია ღია იყო, ჭაღარა მოხუცი კარის გამღები ხაჩიკ საღათელიანიც მანდ იყო, რომელმაც უცხოეთიდან ჩამოსულ სტუმრებს ეკლესიის ისტორიას ყვებოდა.
85 წლის პაპა ხაჩიკი ყოველ დღე მოდის და კარებს აღებს, რომ ეკლესია გაანიავოს და გააშროს. მას ძალიან სტკივა ეკლესიის ასეთ სიტუაციაში ნახვა.
„ძალიან მტკივნეულია ეკლესიის ამ მდგომარეობაში ნახვა. 24 წელია ვაღებ და ვკეტავ კარებს. სახურავის აღდგენის მიზნით რამდენიმე სამუშაო ჩატარდა, მაგრამ მოლოდინი არ გაამართლა და სახურავიდან ისევ წყალი ჩაედინება. ეკლესიის კედლები ხავსითაა დაფარული, სვეტებიდან წყალი წვეთს, ხოლო ხატები „ტირის“. ძალიან მიმძიმს ეკლესიის ამ მდგომარეობაში ნახვა“, – ამბობს ხაჩიკ საღათელიანი.
უკვე რამდენიმე წელია, კარწახის მოსახლეობა კვლავ დაიწყეს თანხის შეგროვებას ეკლესიის სახურავის გასარემონტებლად. ანგარიშები გაიხსნა რუსეთსა და სომხეთში, სოფელში ასევე მიმდინარეობს სახსრების შეგროვება. მსურველებს შეუძლიათ წვლილი შეიტანონ წმინდა იგანეს კარაპეტის უნიკალური ეკლესიის შენარჩუნებაში.
ამის შესახებ კარწახის სოფლის სპეციალისტმა გაბრიელ კარაპეტიანმა Jnews-თან ინტერვიუში თქვა შემდეგი:
„თანხა უკვე შეგროვებულია, ველოდებით ნებართვას და როცა მივიღეთ, განვაახლებთ რეკონსტრუქციას. თითქმის ყველა დოკუმენტი მზად არის, გავუგზავნეთ და ველოდებით პასუხს”.
აღსანიშნავია, რომ სოფელ კარწახში, წმინდა ოვანეს კარაპეტის ეკლესია 2012 წლის 14 ივლისს აკურთხეს. ეკლესიის სახურავი მთლიანად გადახურულია ქვის კრამიტით. სოციალიზმის დროს ეკლესია ხელისუფლების იურისდიქციაში შევიდა, 1929 წელს ეკლესია დაიხურა, ხოლო 1933 წელს გადაკეთდა საწყობად. 1992 წლიდან ეკლესია დავიწყებაშია და მხოლოდ 20 წლის შემდეგ აღადგინეს და გაიხსნა. დღეს ის 1930-იან წლებში დაარსებული მოქმედი ეკლესიაა, რომელიც ახლა ისევ დროებით დაკეტილია.
ასევე წაიკითხეთ:
სოფელ კარწახის წმინდა ჰოვანეს კარაპეტის ეკლესია კვლავ ნესტიან მდგომარეობაშია
წმინდა ოვანეს კარაპეტის ეკლესიის დაკეტილი კარები
გევორგ ჯანოიან
