პრემიერ-მინისტრ გიორგი გახარიას განცხადებით, ქვეყანაში არსებული ეპიდემიოლოგიური ვითატების გათვალისწინებით, სახმელეთო საზღვრების ფართოდ გახსნა ჯერჯერობით არ იგეგმება.
როგორც გახარიამ ჟურნალისტებს განუცხადა, სახმელეთო საზღვარზე მიმოსვლა საქართველოს მოქალაქებიისთვის, ისევე, როგორც ყველაფერი, რაც დაკავშირებულია ტვირთების გადაზიდვასთან, ყველანაირი შეფერხების გარეშე მიმდინარეობს.
„სახმელეთო საზღვრების გახსნასთან დაკავშირებით ჯერ ჩვენ ნაჩქარევ ნაბიჯებს ვერ და არ გადავდგამთ. სახმელეთო საზღვარზე მიმოსვლა საქართველოს მოქალაქებიისთვის, ისევე როგორც ყველაფერი, რაც დაკავშირებულია ტვირთების გადაზიდვასთან, არის აბსოლუტურად ყველანაირი შეფერხების გარეშე. უაღრესად დიდ კომფორტს ვუქმნით საერთაშორისო კომპანიებს, გადამზიდავ კომპანიებს. ვაკონტროლებთ თითოეული სატვირთო მანქანის მძღოლის ჯანმრთელობას სრული 72- საათიანი ციკლის განმავლობაში, როდესაც მათ უწევთ ქვეყანაში ყოფნა. კონტროლი საკმაოდ ეფექტურია მაგრამ, სახმელეთო საზღვრების ფართოდ გახსნას ჯერ არ ვგეგმავთ“, – განაცხადა გიორგი გახარიამ.
