საქართველოში კორონავირუსით კიდევ ერთი ადამიანი გარდაიცვალა. ეს ინფორმაცია ცოტა ხნის წინ განახლდა მთავრობის სპეციალურ ვებგვერდზე – stopcov.ge. ჯანდაცვის მინისტრ ეკატერინე ტიკარაძის თქმით, 57 წლის მამაკაცს თანმხლები დაავადებები ჰქონდა.
”57 წლის მამაკაცი გარდაიცვალა თბილისის რესპუბლიკურ საავადმყოფოში, მას თანმხლები დაავადებებიც ჰქონდა, მაგრამ ჩვენ გარდაცვლილის ახალგაზრდა ასაკს ვაკვირდებით”, – თქვა მინისტრმა.
რესპუბლიკური საავადმყოფოს დირექტორის, ლევან გოპოძის თქმით, პაციენტი დიალიზზე იმყოფებოდა.
ვებსაიტის ინფორმაციით, ამ დროისთვის საქართველოში 32 ადამიანია გარდაცვლილი. საქართველოში კორონავირუსის 5552 შემთხვევაა დადასტურებული, გამოჯანმრთელებულთა რაოდენობაა 2054.
კარანტინში 5637 მოქალაქე იმყოფება, 836 ადამიანი ექიმების მეთვალყურეობის ქვეშ არის საავადმყოფოებში.
გარდა ამისა, კოვიდის ცენტრებში 800 ადამიანია. საქართველოს 41 მოქალაქე საზღვარგარეთიდან გადაიყვანეს სამკურნალოდ.
