დღეს, 6 ივლისს, ახალქალაქის მუნიციპალიტეტის სოფელ ხანდოში სარქის აკოპიანის, არმენ აკოპიანისა და ხორიკ პოღოსიანის ხსოვნისადმი მიძღვნილი ფეხბურთის მემორიალური ტურნირი დაიწყო. ტურნირში მონაწილეობის მიღების მოწვევა ახალქალაქის, ბორჯომისა და ნინოწმინდის მუნიციპალიტეტის 30 სოფელმა მიიღო.
ფეხბურთის ტურნირი სოფელ ხანდოს ახალგაზრდების მიერ არის ორგანიზებული. ღონისძიების ორგანიზებაში ფინანსური მხარდაჭერა გაუწიეს სოფლის მკვიდრებმა, რომლებიც ამჟამად რუსეთში ცხოვრობენ.
მატჩის დაწყებამდე სოფლის მცხოვრებლების სარქის აკოპიანის, არმენ აკოპიანისა და ხორიკ პოღოსიანის ხსოვნას სცეს პატივი, მათ საფლავებზე ყვავილები მიიტანეს.
ფეხბურთელების საგულშემატკივროდ, როგორც სოფელ ხანდოს, ასევე მეზობელი სოფლების მცხოვრებლები მოვიდნენ.
ტურნირის ერთ-ერთი ორგანიზატორის რაფიკ აკოპიანის თქმით, თუ მონაწილეობა ყველა მოწვეულ გუნდმა მიიღო, ჩემპიონატი 3-4 დღე გაგრძელდება.
ტურნირის დასრულების შემდეგ მონაწილეებს მედლებსა და თასებს გადასცემენ. ასევე, ორგანიზატორების თქმით, გათვალისწინებულია ფულადი პრიზები. პირველი ადგილის პრიზი 500 დოლარი, მეორე ადგილი-300 დოლარი, მესამე ადგილი- 200 დოლარი.
