კოალიცია „ცვლილებებისთვის“ ადგილობრივი წარმომადგენელი არჩევნების დღეს, 26 ოქტომბერს, 42-ე უბანზე დარღვევებსა და ფალსიფიკაციაზე აცხადებს. კოალიციის წარმომადგენლების თქმით, საუბნო კომისიის წევრი ქვეყანაში ფიზიკურად არ იმყოფებოდა, ხოლო კომისიის დასკვნით ოქმში მისი ხელმოწერა არის, საოლქო საარჩევნო კომისია გამორიცხავს, რომ არჩევნების დღეს პროტოკოლში ფიზიკურად აქ არ მყოფი პირის ხელმოწერა შეიძლება იყოს. . Jnews-ი ბეჟანოში წავიდა.
არჩევნების დღეს ოპოზიციამ განაცხადა, რომ სოფელ ბეჟანოს 42-ე უბანზე ბევრი დარღვევა მოხდა.
ვიდეო-კადრებში, რომელიც Jnews-ის რედაქციას კოალიცია „ცვლილებებისთვის“ წარმომადგენელმა მიაწოდა, ჩანს, თუ როგორ იხდის N42 საარჩევნო უბნის კომისიის წევრი (სავარაუდოდ თავმჯდომარე) ბოდიშს იმის გამო, რომ სოფლიდან ამომრჩეველმა მისი ძმის ნაცვლად მისცა ხმა. პირობას იძლევა, რომ ცესკო ამის შესახებ გაიგებს, რომ თითქოსდა საარჩევნო პროცესში შეცდომა დაუშვა. კოალიციაში ასევე აცხადებენ, რომ კომისიის წევრი, რომელმაც ხელი მოაწერა ამ მონაკვეთში არჩევნების დასკვნით ოქმს, ფიზიკურად არ იმყოფებოდა ქვეყანაში და რუსეთის ფედერაციაში მუშაობდა. იგულისხმება რადიკ მკოიანი, რომლებიც საუბნო კომიტეტის შემადგენლობის მიხედვით, არის საოლქო საარჩევნო კომისიის კომიტეტის წევრი, ანუ არ არის არც ერთი პარტიის წარმომადგენელი. აღსანიშნავია, რომ ამ მონაკვეთზე არჩევნები ელექტრონული სისტემით არ ჩატარებულა.
„ახალი რამ აღმოვაჩინეთ, რომ მკოიან რადიკი არჩევნების დღეს სოფელ ბეჟანოში არ იმყოფებოდა, ის დღემდე არ არის ქვეყანაში. ის და მამამისი რუსეთში არიან სეზონურ სამუშაობზე. ამ სოფელში საარჩევნო ოქმებს თუ გადაამოწმებთ, იქ დიდი ალბათობით არის ყალბი ხელმოწერა. თეორიულად, მას შეეძლო ჩამოსვლა ხელი მოეწერა და წასულიყო, მაგრამ ჩვენ დარწმუნებული ვართ, ის იქ არ იყო. ამ ყველაფრის შემოწმება საზღვარზე შეიძლება. ეს ისეთი დარღვევაა, რომ ცესკოს, კერძოდ, ჰასმიკ მრანგოზიანს უნდა სცოდნოდა, რომ მისი თანამშრომლები ქვეყანაში არ იმყოფებოდნენ, მაგრამ მის ნაცვლად სხვამ მოაწერა ხელი“, – ამბობს არუთიუნ ევაჯიანი, კოალიცია „ცვლილებებისთვის“ წარმომადგენელი.
Jnews-ი სიტუაციის გასარკვევად საოლქო საარჩევნო კომისიას დაუკავშირდა. პირველ საუბრისას ახალქალაქის ცესკოს თავმჯდომარემ ჰასმიკ მარანგოზიანმა თქვა, რომ ზოგადად ეს შეუძლებელია, თუმცა დაგვპირდა, რომ დააზუსტებდა.
„მე დავაზუსტე. ეს ადამიანი იყო ქვეყანაში, ადგილზე მუშაობდა, ხელი მოაწერა. დანარჩენის შესახებ საქმის კურსში არ ვარ. გამორიცზულია, შეუძლებელია, რომ ეს ადამიანი ადგილზე არ ყოფილიყო, როგორ მოაწერდა ხელს”,- თქვა მან
Jnews-ის ჟურნალისტები სოფელ ბეჟანოში წავიდნენ. სოფლის 4 მცხოვრებმა, რომლებიც სხვადასხვა ადგილას შეგვხვდნენ, გვითხრეს, რომ რადიკ მკოიანი და მამამისი რუსეთში სეზონური სამუშაოებისთვის „ხოფანში“ წავიდნენ და ჯერ კიდევ იქ არიან. სოფლის მერის წარმომადგენელმა მარტიროს მარტიროსიანმა, რომელიც სოფლის რამდენიმე წუთში ცენტრში მოვიდა, სადაც მოსახლეობას ვესაუბრებოდით, ამბობს, რომ რადიკ მკოიანი სოფელში 18 ნოემბერს დაბრუნდა.
იყო თუ არა კომისიის წევრი სოფელში და მონაწილეობდა თუ არა არჩევნებში, როგორც კომისიის წევრი, კითხვის ნიშნის ქვეშ რჩება, რომელიც ძალიან ადვილად გასარკვევია.
