XI-XII კლასებში რეგისტრაციისა და ექსტერნით გამოცდების თარიღი ცნობილია. ამის შესახებ საქართველოს განათლებისა და მეცნიერების სამინისტრო იუწყება. მსურველებს რეგისტრაცია 2024 წლის 23-დან 27 სექტემბრამდე შეუძლიათ, გამოცდები ჩატარდება 2024 წლის 3-დან 18 ოქტომბრამდე.
გამოცდებში მონაწილეობის უფლება აქვთ იმ მოსწავლეებს, რომელთა ასაკი შეესაბამება ან აღემატება ექსტერნით განსაზღვრულ ასაკობრივ ჯგუფს და თუ მათ გავლილი აქვთ გარკვეული წინა საგანმანათლებლო პროგრამა.
ექსტერნით განათლების მისაღებად დაინტერესებული სრულწლოვანი ან არასრულწლოვნის კანონიერი წარმომადგენელს საგანმანათლებლო რესურსცენტრში რეგისტრაციისთვის საჭირო დოკუმენტებთან ერთად შეაქვს განცხადება.
თუ ზოგადი განათლების მიღების მსურველი ექსტერნით სწავლობს სკოლაში, განცხადება წარედგინება რესურსცენტრს, რომლის გავლენის ზონაშიც მდებარეობს შესაბამისი სკოლა.
თუ პირი არ დადის სკოლაში, განაცხადი მიიღება ნებისმიერ საგანმანათლებლო რესურს ცენტრში განმცხადებლის მოთხოვნის საფუძველზე.
გამოცდებზე რეგისტრაციისთვის შეგიძლიათ გაეცნოთ საგანმანათლებლო რესურსცენტრში წარსადგენად საჭირო დოკუმენტაციის ჩამონათვალს საქართველოს განათლების სამინისტროს ოფიციალურ გვერდზე მითითებულ ბმულზე გადასვლით.
კითხვების შემთხვევაში შეგიძლიათ დარეკოთ საქართველოს განათლებისა და მეცნიერების სამინისტროს ცხელ ხაზზე: (995 32) 2 200 220.