დღეს, 28 აპრილს, ცეკვის საერთაშორისო დღე ახალქალაქში ცეკვის ფესტივალით აღინიშნა. ინიციატივის ავტორია კულტურის სახლის დირექტორი, „ჯავახკ” ანსამბლის სამხატვრო ხელმძღვანელი ალიკ ქსპოიანი.
დილიდან კულტურის სახლში მუნიციპალიტეტის სხვადასხვა სოფლების საცეკვაო ჯგუფები შეიკრიბნენ. საცეკვაო ჯგუფების კოლექტიური ფოტოს შემდეგ, ალიკ ქსპოიანთან და ადგილობრივი ხელისუფლების ხელმძღვანელობით, ჯგუფები გაემართნენ ცენტრალურ პარკში, სადაც დღევანდელი დღისთვის ცეკვის სცენა დამონტაჟდა.
ცენტრალური პარკი უკვე მზად იყო დღესასწაულისთვის, სადღესასწაულო განწყობა სუფევდა, პარკში კი ხალხმრავლობა იყო.
ცეკვის საერთაშორისო დღე ახალქალაქში მუნიციპალიტეტის 26 ცეკვის ჯგუფმა აღნიშნა.
ფესტივალში 700-მდე მოცეკვავე მონაწილეობდა.
