17 აპრილს, აშშ-ის ელჩი საქართველოში რობინ დანიგანი ოფიციალური ვიზიტით ახალქალაქს ეწვია.
დილიდან ახალქალაქის სხვადასხვა ორგანიზაციებთან ელჩისა და მისი დელეგაციის ოფიციალური შეხვედრები დაიწყო. ის ახალქალაქის მერს შეხვდა. რის შემდეგაც, 11:00 საათზე, ზრდასრულთა განათლების ცენტრის ოფისში საქართველოში აშშ-ის ელჩსა და ახალქალაქში სამოქალაქო საზოგადოების წარმომადგენლებს შორის შეხვედრა გაიმართა. თითოეულმა ორგანიზაციამ თავისი სამუშაო და გამოწვევები წარმოადგინა.
13:00 საათზე აშშ-ის ელჩი ახალქალაქში ნატოსა და ევროკავშირის საინფორმაციო ცენტრის ოფისს ეწვია, სადაც ახალგაზრდებს შეხვდა. შეხვედრის დასასრულს გაიმართა კითხვა-პასუხის სესია.
შემდეგ დელეგაცია ახალქალაქის №4 საჯარო სკოლას ეწვია.
იქ რეგიონის 4 სკოლის ბავშვებმა წარმოადგინეს პროექტები, რომლებიც USAID-ის პროგრამის ფარგლებში განხორციელდა. ბავშვები იყვნენ სოფელ გომანის სკოლიდან, ადიგენიდან, ახალციხიდან და ახალქალაქის №4 სკოლიდან (დემირჩიანის სახ.).
პრეზენტაციის შემდეგ №4 სკოლის მოსწავლეებმა ელჩს ხელნაკეთი ბროწეულის სახით სუვენირი გადასცეს, რომელიც სომეხი ხალხის სიმბოლიკაზე მოგვითხრობს. შეხვედრის დასასრულს ასევე კითხვა-პასუხი სესია გაიმართა.
