7 დეკემბერს სალომე ზურაბიშვილმა “ორბელიანების” სასახლეში, საქართველოს პრეზიდენტის რეზიდენციაში, ეთნიკური უმცირესობების წარმომადგენლები მიიღო, რომლებიც „ჩვენი ხმა – ევროპა“ პეტიციას შეუერთდნენ. ხელმოწერის კამპანია 8 ნოემბერს საქართველოს პრეზიდენტის ინიციატივით დაიწყო და ევროკავშირის ლიდერებისთვის საქართველოს ევროკავშირის კანდიდატის სტატუსის მინიჭების მიწოდებას მოიცავს.
სიტყვით გამოსვლისას პრეზიდენტმა ხაზი გაუსვა საქართველოში მცხოვრები ეთნიკური უმცირესობების უფლებების დაცვას, პოლიტიკურ საკითხებში აქტიურობასა და ერთიანობის მნიშვნელობას.
„მიხარია, რომ აქ ხართ. ვფიქრობ, ძალიან მნიშვნელოვანია, რომ კამპანია „ჩვენი ხმა ევროპისთვის“ (რომელიც 15 დეკემბრისთვის დასრულდება) არის სრულფასოვანი კამპანია, რომელშიც საქართველოს ყველა მოქალაქე იღებს მონაწილეობას, რადგან ევროპა არის მოქალაქეობა. მოქალაქეს არ აქვს ეროვნება, ის არის სრულყოფილი მოქალაქე თავისი ეთნიკური წარმომავლობით, რელიგიური მრწამსით, ფესვებით და ევროპულ სახელმწიფოში ყველას უნდა ჰქონდეს წარმატების და სრულფასოვანი ცხოვრების შესაძლებლობა“, – აღნიშნა ზურაბიშვილმა.
ცერემონიაზე წარმოითქვა მისალოცი სიტყვები, სიმღერითა და ცეკვით წარმოადგინეს საქართველოში მცხოვრები ეთნიკური უმცირესობების კულტურა. სომხური მხრიდან შესრულდა დუდუკზე შესრულებული აშუღ შერამისა და საიათ-ნოვას ნაწარმოებები.
ზურაბიშვილმა სიტყვით გამოსვლისას ასევე შეეხო 35 წლის წინ სომხეთში 7 დეკემბერს მომხდარ კატასტროფულ მიწისძვრას და აღნიშნა, რომ სპიტაკის სტიქია არა მარტო სომხებს აწუხებს, არამედ ქართველი ხალხიც გლოვობს ამ დანაკარგს.
